Rastet e reja të diagnostikuara me kancerin e mushkërive kanë alarmuar mjekët pneumologë dhe onkologë në kryeqytet. Vetëm gjatë këtij viti janë zbuluar 800 raste të reja, duke u barazuar me numrin e rasteve me kancer gjiri, por duke mbetur lloji i parë i kancerit për nga vdekshmëria.
“Numri i rasteve është i barabartë me kancerin e gjirit, është një problem madhor për popullatën, zë vendin e parë sa i përket humbjes së jetëve. Nuk është një kancer ekskluziv i meshkujve, pasi edhe shumë gra po preken nga kanceri i mushkërisë”.- shprehet Arben Tanka, pneumolog në sptalin “Shefqet Ndroqi”.
Ajo që shqetëson më shumë mjekët është ulja e moshës së të prekurve, ndërsa kanceri diagnostikohet në faza të avancuara.
“Fatkeqësisht është ulur mosha e diagnostikimit me sëmundje tumorale të mushkërisë, me herët ka qenë rreth 45-50 vjeç, aktualisht kemi pacientë nën 40 vjeç në stadet e avancuara 3 dhe 4”.- tha Jonida Tula, onkologë në spitalin ‘Shefqet Ndroqi’.
Duhanpirja vijon të mbetet shkaktari kryesor, ndjekur edhe nga ndotja dhe gjenetika.
“Duhanpirja është shkaktari kryesor që bën dhe 80% të shkaqeve që shfaqin kancer mushkërie. Ka dhe faktor të tjerë siç është prezenca e gazit radon në shtëpi dhe ndotësit atmosferik me përbërje të asbestit dhe hidrokarburet si dhe gjenetika. Ka statistika që thonë se një mungesë duhanpirjeje e redukton kancerin me 90% të rasteve”.- shprehet mjeku Tanka.
Mjekët bëjnë thirrje për diagnostikim të hershëm përmes kontrolleve periodike dhe lënies së duhanit.
Lajme të tjera
-
Dy ish-minatorët me pompa në xhep! Rrëfimi i njerëzve më të prekur nga 'sëmundjet profesionale': S'dinim a dilnim gjallë
5 Prill, 16:00
-
Nano në spital nga SPOK, mjeku: Sëmundje kronike e pashërueshme, por trajtohet! Mund të bëhet shkak për dobësimin e organeve të tjera
1 Shtator 2023, 12:54 -
Mjeku Tanka: Vaksinimi, masa për t’u mbrojtur nga rastet e rënda të gripit! Mos përdorni antibiotikë nëse keni kollë pa temperaturë, të merren me sugjerimin e mjekut
23 Janar 2023, 12:16 -
Si t’u shpëtojmë virozave? Mjeku: Mos nisni përdorimin e antibiotikut për kollë e dhimbje fyti, përdorni çajra, supë e vitaminë C
9 Dhjetor 2022, 15:59
-
Speciale/ Duhani, helmi që vret e të varfëron në heshtje (VIDEO)
10 Nëntor 2022, 19:34
-
Në 7 ditë mbi 3000 infektime me koronavirus! Në Sanatorium vazhdojnë të shtrohen pacientë post COVID
3 Korrik 2022, 20:03
-
Në Sanatorium më shumë të sëmurë pasi kanë kaluar COVID! 3-5 raste çdo ditë në urgjencë, shumica të pavaksinuar! Shkak problemet në mushkëri e zemër
27 Mars 2022, 22:03
-
Komplikacionet post-COVID, 34 pacientë në sanatorium! Mjeku Tanka: Shumica e pacientëve në gjendje kritike
8 Shkurt 2022, 14:13
