POP 5

Lajmet më të lexuara të 5 minutave të fundit

Sociale

Në Sanatorium më shumë të sëmurë pasi kanë kaluar COVID! 3-5 raste çdo ditë në urgjencë, shumica të pavaksinuar! Shkak problemet në mushkëri e zemër

Për mjekët në spitalin “Shefqet Ndroqi” rastet më të rënda po shfaqen tek ata persona që kanë kaluar Covid-19. Tek  25 pacientë të shtruar aktualisht, janë shfaqur probleme me insufiçencën respitore, por ka dhe të tjerë me trompozë të arteries pulmonare të mushkërisë si dhe në pjesë të tjera të sistemit vaskular apo disekuilibrim të diabetit.

TIRANË- Numri i hospitalizimeve nga COVID- 19  aktualisht është i ulët, 19 persona të shtruar, por postcovid reflekton komplikacionet e mëvonshme ndaj numri i shtrimeve në pavijon posaçërisht për këta të sëmurë në sanatorium është më i lartë.

“Përgjithësisht pjesa më e mirë e tyre janë në gjendje të mesme deri në të rëndë. Kanë kryesisht probleme me insufiçencën respitore, pra kanë nevojë për oksigjeno-terapi që varion nga pacienti në pacient”, tha pneumologu Arben Tanka.

Ai shprehet se  aktualisht 25 pacientë po marrin trajtim  dhe komplikocionet janë të ndryshme.

“Ka dhe pacient të tjerë me pasoja që i ka lënë COVID siç mund të jetë trompoza si të arteries pulmonare tëso mushkërisë si dhe trompoza në pjesë të tjera të sistemit vaskular”, tregon ai.

Edhe pse shtrimet postcovid, po trajtohen në normalitet, numri i urgjencave ditore është i lartë.

“Ka edhe pacientë që kanë disekuilibrim të diabetit dhe pacient të tjerë me probleme arteriale apo probleme veshkash. Edhe ardhjet e reja në urgjencën tonë variojnë nga 3-5 pacient me postcovid çdo ditë”, thotë pneumologu.

Mes personave që paraqesin komplikacione janë dhe të rinj të moshës 30-40 vjeç dhe pjesa më e madhe janë të pavaksinuar.

“Ka pas pacient të moshave mbi 30 vjeç dhe fasha 30-40 vjeçar që kanë pas probleme të postcovidit. Nuk diskutohet që ka dhe pacientë më të mëdhenj se 60 vjeç, dhe më të rinj, por mesatarja është 60 vjeç”, tha ai.

Mjekët apelojnë për vaksinim për të parandaluar rastet e rënda të COVID dhe fatalitetet. Në total deri tani janë kryer rreth 2.8 mln vaksinime në të gjithë Shqipërinë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?

Lajme të tjera



×

Lajmi i fundit

John

Einxhel Shkira shtatzënë? Tregon testin pozitiv

6 Korrik, 20:48