POP 5

Lajmet më të lexuara të 5 minutave të fundit

Ekonomi

Shtyhet afati për aplikimin për garancinë e dytë sovrane

Shtyhet për në fund të muajit shtator afati që kanë të gjitha bizneset për të aplikuar për garancinë sovrane të dytë. Vendimi është bërë i ditur nga Ministrja e Financave Anila Denaj, e cila thotë se një hap i tillë është ndërmarrë për të ndihmuar bizneset. Afati do të mbyllej me 2 gusht 2020. Deri tani e kanë marrë kredinë sovrane të dytë 119 biznese

Një ditë përpara se të përfundojë afati që kanë bizneset për të aplikuar për garancinë e dytë sovrane, Ministria e Financave ka vendosur të shtyjë afatin. Ministrja e Financave Anila Denaj ka njoftuar se bizneset do të kenë mundësinë për të aplikuar për marrjen e kredisë deri në fund të muajit shtator të këtij viti. Afati fillestar ishte data 2 gusht 2020. Një vendim i tillë sipas Denaj është marrë për të lehtësuar dhe zbutur efektet që po lë pandemia tek çdo biznes.

Që nga fillimi i aplikimeve në muajin qershor e deri më tani e kanë përfituar vetëm 45% e bizneseve që kanë aplikuar. Nga të dhënat zyrtare thuhet se deri më 27 korrik kanë aplikuar për garancinë e dytë 263 biznese dhe është aprovuar vetëm për 119 biznese. Deri më tani është dhënë 3.1 miliardë lekë nga fondi i garancisë së dytë sovrane, nga 15 miliardë që është shuma e vënë në dispozicion.

Kjo linjë e dytë garancie u miratua nga Këshilli i Ministrave në muajin maj, është me një normë interesi jo më shumë se 5%, dhe nuk mbulohet e gjitha nga shteti. Në këtë linjë të dytë shteti do të garantojë 60% të vlerës së kredisë ndërsa 40% mbulohet nga bankat, pra bankat do të kenë të drejtën të kërkojnë edhe kolateral për pjesën që mbulojnë vetë. Vlera e kredisë së vendosur në dispozicion nga huadhënësi për huamarrësin në asnjë rast nuk do të jetë më e lartë se 300 milion lekë. Bizneset këtë kredi mund ta përdorin për kolateral dhe për investime.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Incidentet në Londër në takimin e Ramës, momentet kur 'diversantët' e Berishës shoqërohen personeli i sigurisë

Incidentet në Londër në takimin e Ramës, momentet kur 'diversantët' e Berishës shoqërohen personeli i sigurisë

24 Nëntor, 15:02