Ndryshe nga çfarë del në pergjimet e bisedave me të birin, ku Erzen Breçani, dyshohet se ka dijeni për aktivitetin e drogës, para gjykatës së bashku me tre të arrestuarit e tjerë, të akuzuar si pjesë e një grupi të strukturuar criminal, thotë se nëse ndodhet në burg është për shkak të djalit të tij, Eralbi, i cili është shpallur në kërkim për trafik droge.
“Nëse jam në burg jam prej djalit. E kam këshilluar të mos merret me gjëra të paligjshme. Nuk e di ça ka bërë, nuk kam prova me ça merret im bir. Vetë i kam shërbyer këtij shteti, ku kam vënë edhe jetën në rrezik”, ka thënë Breçani duke përmendur edhe aksionet policore dhe personazhet që ka arrestuar.
Eshtë e vertetë që Brecani kishte krijuar profilin e një polici të guximshëm që nga koha e RENEa-s. Dikur ishte në krye të aksioneve për kapejn e Zani Çaushit, Gazment Brrakës, arrestoi Nehat Kullën, shoqëroi Emiljano Shullazin. Por përgjimet e SKY zbuluan një anë tjetër të Erzen Breçanit. Në to del miqësia me të rrezikshmin Bujar Ajeti apo Nuredin Dumani. Për këtë njerëz, ai sipas dosjes nxirrte informacione policore. Në këmbim pranonte edhe dhurata si telefoni me SKY që dikur kishte përdorur Dumani. Përgjimet zbuluan, se Breçani disa herë i kërkonte të biri të kishte kujdes dhe të tërhiqej nga puna që bënte, por ashtu edhe kërkonte paratë
I biri mes të tjerash gjatë bisedave më grupin, thotë “Plaku mka thën para dy javësh. Kanë ardh dosje në Shqipëri për disa persona dhe shqiptar nga vendet latine Europa dhe Anglia shumë. Po hetohen shumë persona. Dhe vetëm për kto sky prz”
Ervin Mata është njohur kunati i të birit, por për Erzen Breçanin, Mata është edhe një i infiltruar i policisë në grupet kriminale.
"Mos fol gja në sy të tij pune droge e gjana se asht i infiltruar i policis në grupet kriminale se kam pyet qysh herën e pare, I thotë ai të birit …”- shprehet Breçani në përgjimet e prokurorisë.
SPAK e akuzon Breçanin për pastrim parash dhe djalin e tij, i cili është shpallur në kërkim për trafik droge. Në përfundim të seancës gjykata la në fuqi masat e sigurisë, arrest me burg për Breçanin, ashtu sikurse edhe për 3 të arrestuarit e tjere; shefin e Krimeve në komisariatin nr. 6, Dedan Gjoni, Bujar Ajetin e Besmir Muratin. Kujtojmë se SPAK lëshoi të hënën (20 nëntor) 11 urdhërarreste, ndaj grupit që akuzohet për trafik ndërkombëtar të kokainës, pastrim parash e sigurim kushtesh për vrasje. Aktualisht në kërkim janë Ervin Mata, Ismail Zeneli, Artan Sulejmani, Albert Prenga, Bajram Grabova dhe Eralbi Breçani.
GJKKO ka lënë në fuqi masën e sigurisë "arrest me burg" për 4 prej të arrestuarve si pjesëtarë të një grupi kriminal. Mbeten në burg Erzen Breçani, Dedan Gjoni, Bujar Ajezi, Besmir Murati të cilët akuzohen nga SPAK si pjesë e një grupi kriminal për trafik droge dhe plane vrasjesh.
Erzen Breçani në seancën në GJKKO ka thënë se nëse është në burg, ka përfunduar prej djalit. Para trupës gjykuese ia ka deklaruar se e ka këshilluar të birin, Eralbi Breçani që të mos merrej me gjëra të paligjshme. Ndërsa ka thënë se vetë i ka shërbyer shtetit edhe duke vënë jetën ën rrezik.
Nëse jam në burg jam prej djalit. E kam këshilluar të mos merret me gjëra të paligjshme. Nuk e di ca ka bërë nuk kam prova me ca merret im bir. Vetë i kam shërbyer këtij shteti, ku kam vënë edhe jetën në rrezik.
Lajme të tjera
-
Donte të vriste vëllezërit Nela për hakmarrje! GJKKO lë në burg Ismail Zenelin! Pjesë e grupit të trafikut të drogës të Ervin Matës e Eralbi Breçanit
24 Gusht, 14:10
-
Donte të vriste vëllezërit Nela për hakmarrje! Ekstradohet nga Spanja Ismail Zeneli! Pjesë e grupit të trafikut të drogës të Ervin Matës e Eralbi Breçanit
23 Gusht, 08:51 -
Gati të gjitha akuzat: Trafik droge, pastrim parash e tentativë vrasjeje! SPAK dërgon për gjykim dosjen e Erzen Breçanit, ish-shefit të Krimeve dhe 9 të tjerë
7 Gusht, 11:20 -
U arrestua me Erzen Breçanin, GJKKO lë në burg Bujar Ajetin! Nuk pranon t'i ndryshojë masën e sigurisë
29 Korrik, 14:13 -
SPAK i komunikon akuzën Erzen Breçanit dhe grupit të tij! Ish-drejtori i Policisë së Tiranës dyshohet e paratë e drogës së të birit i investoi me HEC-et në Tropojë
25 Korrik, 12:45 -
‘Metamorfoza’/ Lirohet nga qelia Erzen Breçani, Apeli i GJKKO e lë në arrest shtëpie
16 Korrik, 10:30
-
Vuan nga zemra dhe klaustrofobia, Erzen Breçani kërkon të lirohet nga paraburgimi, GJKKO refuzon
31 Maj, 11:18
-
Kërkuan ndryshimin e masës së sigurisë, Gjykata e Lartë lë në burg Erzen Breçanin, Dedan Gjonin dhe dy tjerë
28 Maj, 17:05 -
'Ka fobi ambientet e mbyllura', GJKKO pranon kërkesën e avokatëve të Erzen Breçanit, cakton mjekët për të kryer ekspertizën
23 Shkurt, 15:14 -
Erzen Breçani i shtruar në spital, kërkon ndryshim mase: Kam probleme me zemrën! GJKKO cakton mjekët për të kryer ekspertizën
20 Shkurt, 12:52 -
Apeli rrëzon Erzen Breçanin, nuk hiqet sekuestroja për Hidrocentralin Drita
22 Janar, 13:08 -
SPAK sekuestron HEC-in ‘Drita’ të Erzen Breçanit dhe llogari bankare e makina të Ervin Matës! Vijojnë hetimet për prona që fshihen në emër të familjarëve
19 Janar, 11:00
