Shtyhet seanca për apartamentin e sekuestruar ish-kryebashkiakut Jorgo Goro, biznesmeni Gentjan Sula ankimoi në GJKKO: Hyrja te Garda është e imja!

Tiranë- Biznesmeni Gentjan Sula ka ankimuar në GJKKO sekuestron e një apartamenti pranë Gardës së Republikës në Tiranë, i cili u bllokua nga SPAK në kuadër të hetimeve për ish-kryebashkiakun Jorgo Goro. 

Seanca, e cila pritej të zhvillohej mëngjesin sotëm, u shty për shkak të mungesës së prokurorit Ols Dado.

Sula, i cili pak javë më parë u mor në pyetje nga Prokuroria e Posaçme Antikorrupsion, pretendon se apartamenti që u vendos në sekuestro me vendim gjykate, është i tij dhe jo i ish-kryebashkiakut, teksa mbrojtja e tij ligjore thotë se ia kishte lënë Goros në përdorim, për shkak të miqësisë që kane pasur me njëri-tjetrin. 

Hetimet për çështjen e dytë të Jorgo Goros u mbyllën pak ditë më parë, teksa SPAK ka bërë kërkesë për kalimin e dosjes për gjykim.Ndërsa për çështjen e parë, ku Goro u kallëzua nga ish-kryebashkiaku tjetër i Himarës, procesi është në fazën e leximit të konkluzioneve nga ana e prokurorisë.

A.Q/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/02/2025 00:53

    Mbajini nen verzhgim keta te dy dhe shikoni nese /miqesia/ mes tyre vazhdon edhe pasi Goro t'i mbylle hesapet me drejtesine,shikojeni nese Sula do ja ktheje prape apt./ne emer te miqesise/!

    Përgjigju
  • Sondazhi i ditës: 17 Mars, 09:11

    Mendoni se Parlamenti i dalë nga zgjedhjet e 11 majit do të jetë më cilësor?



×

Lajmi i fundit

'Gërdeci'/ Ngjela për Report Tv: Berisha desh vdiq, doli si kufomë, ai dhe familja drejtonin biznesin! Pres që SPAK ta çojë çështjen deri në fund, erdhën prova të reja

'Gërdeci'/ Ngjela për Report Tv: Berisha desh vdiq, doli si kufomë, ai dhe familja drejtonin biznesin! Pres që SPAK ta çojë çështjen deri në fund, erdhën prova të reja