Deputeti i Partisë Demokratike, Ervin Salianji, ka reaguar pas tensioneve në ambientet e Gjykatës së Tiranës, ku demokrati shtyu një polic në tentativë për të hyrë me forcë në ambientet e Gjykatës. (LEXO KËTU)

Në një reagim në Facebook, Salianji shkruan se nëse shkel ligjin atëherë “Rilindja” të bën deputet, por nëse sipas tij denoncon dhe mbron familjen atëherë të fusin në burg.

Reagimi i Salianjit

Nëse vjedh, trafikon, merresh me prostitucion, me vrasje, me korrupsion Rilindja të bën deputet, ministër dhe të promovon! Nëse denoncon, ngre zërin, proteston, mbron familjen dhe banesën përfundon në burg! Prokuroria po kërkon burg duke paraqitur si provë materiale, 5 materiale plastike ( bidona), dy pankarta letre, dhe dy ristela mbajtëse!!!

Postimi i deputetit demokrat shoqërohet edhe me foto, ku një nga protestuesit e arrestuar, ngre 2 gishtat, që janë simboli i PD në formë përshëndetjeje.

Fotoja e publikuar nga Salianji, protestuesi në gjykatë duke përshëndetur me shenjën e dy gishtave