POP 5

Lajmet më të lexuara të 5 minutave të fundit

Kronikë

Shuhet Aleko Gjergo, Meta shpreh ngushëllimet: Kontribut të pazëvendësuar për gazetarët sportivë

Presidenti Ilir Meta ka shprehur ngushëllime për ndarjen nga jeta në moshën 77-vjeçare të gazetari sportive Aleko Gjergo, nga një sëmundje e rëndë.

Shuhet Aleko Gjergo, Meta shpreh ngushëllimet: Kontribut të pazëvendësuar për gazetarët sportivë

Presidenti Ilir Meta ka shprehur ngushëllime për ndarjen nga jeta në moshën 77-vjeçare të gazetari sportive Aleko Gjergo, nga një sëmundje e rëndë. Presidenti u shpreh se Gjergo ishte një nga ikonat e pazëvendësueshme në Radio Tirana dhe kontributi i tij në radiokronikën shqiptare është i pazëvendësueshëm.

“Thellësisht i trishtuar për ndarjen nga jeta të gazetarit të shquar sportiv, Aleko Gjergo, mjeshtrit të radiokronikës dhe komunikimit publik, një ndër ikonat e pazëvendësushme të Radio Tiranës, njeriut fisnik e intelektualit aktiv, autor i disa librave dhe përkthimeve.

Kam kujtimet më të mira dhe vlerësimet më të larta për personalitetin e tij të veçantë, edhe si një prej bashkëpunëtorëve të emisionit më të ndjekur sportiv radifonik të viteve ’90 “Nga njëra ndeshje, në tjetrën”.

Transmetimet e Aleko Gjergos, përbëjnë një trashëgimi të pasur të fondit të artë të radiokronikës shqiptare, aq e vlefshme për brezat e rinj të gazetarëve sportivë.

Duke ndarë dhimbjen e madhe me familjen Gjergo në këto momente tepër të vështira, u shpreh ngushëllimet më të ndjera atyre, gjithë të afërmve, dashamirësve dhe bashkëpunëtorëve të tij.

I paharruar kujtimi yt Aleko Gjergo!” shkruan Meta në Facebook.

Gazetari i njohur Aleko Gjergo është ndarë nga jeta në moshën 77-vjeçare, nga një sëmundje e rëndë. Ai ishte një nga figurat qendrore të transmetimit të emisionit “Nga njëra ndeshje në tjetrën”.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur

Aksident i rëndë në Korçë – Pogradec/ Përplasen dy makina, një i vdekur

8 Janar, 23:55