Pas përhapjes me përmasa të frikshme të zjarrit mbi tunelin e Kalimashit në Kukës, mëngjesin e sotëm vatra janë fikur. Zjarri në faqen e malit mbi tunel është shuar pasi është punuar gjatë gjithë natës, ndërsa situata po mbahet nën monitorim nga forcat zjarrfikëse.Kritike është situata në Lakun e Thive, ku vatra e zjarrit është e përhapur, ndërsa në të prej orës 06:00 të mëngjesit po punohet nga toka dhe nga ajri për të bërë të mundur neutralizimin e tyre, pasi rrezikohen 5 banesa. Në Lakun e Thive kanë shkuara edhe forcat e ardhura në ndihmë nga Kosova.
Mëngjesin e sotëm po vijon operacioni për të shuar vatrat e zjarrit në Kukës, teksa një natë më parë flakët e zjarrit përpinë mijëra hektarë në Malin e Rrunës mbi Tunelin e Kalimashit. 34 zjarrfikës të Kosovës prej 9 njësive me 9 automjete për terren malor dhe mjete autocisterne për mbushjen me ujë do të angazhohen në ndihmesë të ekipeve të Kukësit në zonën e quajtur Laku i Dhive në majën e Rrunës.
Flakët e zjarrit mbi tunelin e Kalimashit mbrëmjen e djeshme deri në orët e para të mëngjesit të sotëm ishin të përmasave të frikshme dhe u përhapën deri në këto pamje apokaliptike për shkak të erës. Maja e Rrunës ofroi pamje ku zjarret kishin përpërirë të gjithë malin.
Në një transmetim live gjatë natës Report Tv raportoi hap pas hapi për situatën ku zjarri u afrua në Rrugën e Kombit. Në ndihmë të zjarrfikësve të Kukësit, të vetmit përballë kësaj situate, kanë shkuar forcat e ushtrisë dhe zjarrfikëses së Kosovës të cilat u përqendruan kryesisht mbi tunelin e Kalimashit për të shmangur izolimin e tij nga tymi e zjarri.
Ne përditësim...
Dy anë të kundërta, dy pamje të ndryshme. Kjo është pamja që të ofrohet nga Tuneli i Kalimashit në Kukës. Në njërën anë të tij vendi është i rrethuar nga tymi e flakët e ndërsa në anën tjetër situata është normale pa asnjë vatër aktive zjarri.
Një panoramë krejt ndryshe nga nata e kaluar na shfaqet këtë mëngjes në tunelin e Kalimashit, i cili dje ishte “pushtuar” nga flakët. Sot ajri është më i pastër dhe nuk vihet re tymi mbytës që ishte përhapur gjithandej mbrëmjen e kaluar.
Operacioni në zonën e Kukësit për zjarret është përqendruar në dy vatra zjarri “Laku i thive" dhe "Qafa e Kumbulles” në Malin e Rrunës në njësinë administrative Malzi. Në këto dy vatra janë forcat e emergjencave civile, zjarrfikëset e Kukësit dhe forcat e ardhura në ndihmë nga Kosova.
Situata është kritike deri në këto momente dhe në rrezik janë 5 banesa me rreth 30 banorë të lagjes Lepraj në fshatin Shenmri. Aktualisht zjarri është larg banesave, por nëse flakët përhapen atëherë janë marrë masat për evakuimin e banorëve si dhe akomodimin e tyre në shkollën e fshatit Shenmri.
Kreu i PD-së, Lulzim Basha ka reaguar në lidhje me zjarret në Kukës, ku flakët iu afruan mbrëmjen e djeshme Tunelit të Kalimashit. Teksa vlerëson sakrificën e forcave ushtarake shqiptare dhe civile shqiptare që po punojnë në kushte të rënda, ka shprehur mirënjohjen edhe për ndihmën që ka ardhur nga Kosova.
"Mirënjohje Kosovës për ndihmën vëllazërore në betejën me zjarret! Bashkëpunimi me forcat ushtarake dhe civile të Shqipërisë, që prej ditësh po sakrifikojnë me vetëmohim e në kushtet më të rënda,është jetik për mbrojtjen e jetës dhe shëndetit të qytetarëve dhe të pasurive natyrore", shkruan Basha.
Lajme të tjera
-
Kukës/ Dhunonte gruan dhe kanoste me armë zjarri fëmijët, në pranga 60- vjeçari! Sekuestrohen 3 armë zjarri dhe municion luftarak
28 Tetor, 11:00 -
Gjobitën makinat me targa të huaja në Rrugën e Kombit e lekët i futën në xhep, arrestohet polici në kërkim, 22 efektivë në hetim
28 Tetor, 10:09 -
Abuzimi me 2 tenderat e naftës, SPAK kërkon 1.6 vite burg për ish prefektin e Kukësit! Dënimi i Granit Gjanës të konvertohet në 2 vite shërbim prove
28 Tetor, 10:08 -
Rrëfimi i piktorit kuksian Alajdin Tabaku, 64 vite krijimtari! Nga vajza luftarake, te Kukësi i vjetër
27 Tetor, 16:39 -
Bullgaria mban sot zgjedhjet parlamentare! Qendrat e votimit janë hapur dhe në Tiranë, Elbasan, Korçë e Kukës
27 Tetor, 10:59
-
Rënie drastike e ujit në liqenin e Fierzës, baseni po lë bregun dhe po tkurret rreth kupolës! Asnjë turbinë nuk është në punë për prodhimin e energjisë elektrike
26 Tetor, 14:16
-
Goditi me sfurk kushëririn pas një sherri, arrestohet 34-vjeçari në Kukës
17 Tetor, 09:23 -
Fermerët e Kukësit kërkojnë traktorë e autokombanja! Zv/ministri i Bujqësisë: Qeveria financon 50 % të vlerës, por ka disa kritere
16 Tetor, 15:28
-
Morinë/ Po vinte me 15 monedha floriri nga Prizreni drejt Shqipërisë, nën akuzë 56-vjeçari
15 Tetor, 13:58 -
"Kryetarët e bashkive vijnë marrin votat e zhduken!" Banorët protestojnë për rrugët në Kukës e Lushnje: Kemi njerëz të sëmurë, nuk hyn ambulanca
11 Tetor, 14:21
-
Tur në Kukës dhe Tropojë me të rinjtë, ambasadori britanik Abbott: Mbretëria e Bashkuar është partneri juaj, besojmë te potenciali i Shqipërisë!
9 Tetor, 18:34 -
E para vajzë shqiptare me medalje të artë në mundje, Erglena Domi: Krenare! Babai trajner: Mundi 3 rivale shumë të forta
8 Tetor, 12:50
