Si bëhet llogaritja për ata që 
kanë sigurime në dy periudha

TIRANE- Skema e re e pensioneve që po aplikohet, ka bërë që të ketë një konfuzion për ata persona që kanë periudha sigurimi para dhe pas 1994-s. Pjesa më e madhe e personave që pritet të dalin në pension 10-vjeçarin e ardhshëm, kanë periudha sigurimi si para 1994-s dhe pas këtij viti.

Bashkimi i dy periudhave duke përcaktuar dhe koeficientët për çdo vit, ka bërë që përfitimet të mos ulen, por të mbeten në të njëjtin nivel, në mënyrë që pensioni të jetë i lartë. Të favorizuar nga kjo skemë janë të gjithë ata persona që kanë patur një pagë më të lartë se 4 mijë lekë, para vitit 1994. Ligji i ri për llogaritjen e pensionit për ata që kanë kontribuar në këto dy periudha të ndryshme ka përcaktuar dhe mënyrën e llogaritjes. “Baza e vlerësuar për llogaritjen e pensioneve llogaritet si raport i shumës së pagave, për të cilat janë paguar kontributet, me periudhën që njihet si periudhë sigurimi.