Si do “gjurmohen” dosjet e ish
ushtarakëve për vitet e shërbimit

TIRANE- Projektligji i ri për njohjen e viteve të shërbimit për ish-ushtarakët që institucionet u kanë humbur dosjet nuk do të bëhet mbi bazën e vetëdeklarimeve. Burime nga Instituti i Sigurimeve Shoqërore bëjnë me dije se nëse projektligji miratohet në Parlament atëherë duhet të miratohet dhe një udhëzim që do të përcaktojë kriteret për njohjen e viteve të shërbimit.

“Projektligji që ka propozuar Ministria e Mbrotjes është brenda kuadrit ligjor. Por për të njohur vitet e shërbimit, nuk do të merren parasysh vetëm deklarimet që do të bëjnë ish-ushtarakët. Ka dy mënyra se si mund të njihen këto vite shërbimi. E para është nëpërmjet një udhëzimi të veçantë. Pra mjafton që një ish-ushtarak të ketë një vërtetim ose një dokument që ka qenë në detyrë në X repart ose institucion dhe këtë dokument mund ta kenë dhe ministritë.