POP 5

Lajmet më të lexuara të 5 minutave të fundit

Ekonomi

Si do të ndahen fondet e FMN-së
dhe BB-së në 2014-n

Do të shpërndahen në: zgjidhjen e çështjes së kredive të këqija, konsolidimin fiskal për pagimin e detyrimeve, si dhe për investime prioritare.
Si do të ndahen fondet e FMN-së<br />dhe BB-së në 2014-n
TIRANË - Vetëm dy ditë më parë qeveria shqiptare bashkë me përfaqësuesit e Fondit Monetar Ndërkombëtar, deklaruan në një konferencë të përbashkët për shtyp dhënien e një ndihmë prej 300 mln eurosh për vitin 2014.
 
Ministri i Financave bashkë me kreun e delagacionit të FMN-së konfirmuan dakordësinë për fondin, në një kohë që marrëveshja do të nënshkruhet vetëm në fillim të janarit 2014. Sipas kësaj marrëveshje që do të firmoset edhe nga Bordi Ekzekutiv i FMN-së, për një fazë asistence 36-mujore, Shqipëria do të përfitojë një ndihmë financiare prej 300 mln eurosh.
 
Ky fond parashikohet që të përdoret kryesisht nga qeveria për të ulur nivelin e borxhit duke bërë shlyerjen e detyrimeve të prapamberura ndaj të tretëve. Në shkëmbim të kësaj kredie, Fondi i ka kërkuar qeverisë reforma strukturore dhe fiskale të cilat nisin që pas janarit 2014.
 
Por ndihma që qeveria do të përfitojë jo vetëm nga FMN-ja, por edhe nga BB-ja llogaritet në rreth 1 mld USD. Banka Botërore është shprehur nëpërmjet përfaqësueses së saj në Shqipëri, Ellen Goldstein, më 9 dhjetor duke sqaruar se këto mbështetje mund të jenë nga 100-200 milionë USD për 3 vitet e ardhshme.

Këto fonde do të shpërndahen në disa sektorë si, mbështetje buxhetore për menaxhimin e sektorit financiar veçanërisht ato që lidhen me zgjidhjen e çështjes së kredive të këqija, konsolidimin fiskal për pagimin e detyrimeve, si dhe për investime prioritare.
 
Për këto të fundit vetëm 86 mln USD do të akordohen nga BB-ja për projektin e furnizimit me ujë të qytetit të Durrësit, projekt i cili do të aprovohet para futndit të dhjetorit.

Redaksia Online
(mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04