Si duhet të flisni me fëmijët pas një tërmeti...

Pas tërmetit, të gjithë njerëzit kalojnë ngarkesë të madhe psikologjike.

Shumë personave u duket sikur toka lëkundet gjatë gjithë kohës, e shumë të tjerë nuk flejnë natën.

Duhet shumë kohë që të gjithë ta kalojnë këtë gjendje të rënduar psikologjike.

Të rriturit e kalojnë më shpejt këtë situatë, por fëmijët që janë më delikatë e kalojnë më me vështirësi dhe prindërit duhet të gjejnë mënyrat e duhura që të flasin me ta.

Mandy Casurella, një këshilltare profesionale e licencuar që punon me fëmijë dhe prindër tregon se si duhet të sillemi me fëmijët pas një tërmeti.

Pas tërmetit, ajo dhe mësuesja i organizuan fëmijët në një rreth gjatë një loje për t'i ndihmuar ata të ndiheshin të sigurt dhe u kërkuan fëmijëve të flisnin për atë që ndodhi.

Ajo këshillon që  prindërit duhet të kontrollojnë përgjigjet e tyre.

“Pas traumës fillestare, sigurohuni fëmijëve se janë të sigurt. Ndihmoni ata të vënë re se si i bën ata të ndihen stresi dhe ankthi’, është shprehur psikologia.

Casurella thotë se duhet të nxisni fëmijët që t’i kushtojnë vëmendje  trupit të  tyre.

“Trupat e tyre ishin në gjendje të bënin gjënë më të mirë për të mbajtur veten të sigurt.

Ankthi dhe adrenalina gjenerojnë shumë energji dhe fëmijët kanë të gjitha llojet e mënyrave për të provuar ta lëshojnë atë. Disa duhet të jenë të qetë dhe disa duhet të lëvizin," tha ajo.

Duhet kushtuar vëmendje se cilat janë impulset e tyre.

“Duhet të ndiqni ritmin e fëmijës suaj. Do t'ju duhet pak kohë që fëmijët të kthehen në normalitet dhe çdo fëmijë avancon me ritmin e tij.

Dhënia kohë e fëmijëvë për të folur rreth gjërave është e rëndësishme. Aftësia e tyre për t’u shëruar dhe punuar përmes asaj energjie është e lindur dhe e natyrshme" , tha ajo.

Gjëja më e mirë që prindërit mund të bëjnë është t'u japin atyre hapësirën ta bëjnë këtë.

TAG:
• Trauma
• Femije
• termeti
• termet me viktima ne Shqiperi