Këtë të dielë ndryshoi ora, duke u zhvendosur akrepat 60 minuta mbrapa. Në këtë mënyrë qytetarët kanë mundësi të flenë një orë më shumë. Por ndryshimi i orës shpeshherë sjell dhe shqetësime tek qytetarët të cilët mundohen t’iu përshtaten ritmit të ri. Report Tv mori mendimin e disa prej qytetarëve të Tiranës për këtë cështje, ku pjesa më e madhe u shprehën se nuk e kanë ndier ndryshimin e orës, por do të ishte më mirë që të mos ndryshohej më në vitet e ardhshme.
“Në fakt unë u zgjova vonë dhe mendoj se ishte ora 9, kur shikojë që ishte ora 8 që kishte ndryshuar ora u ndjeva e lumtur, sepse ishte mirë e përjetova mirë. Nuk është problem fare edhe po ndryshoi edhe po nuk ndryshoi për mua.
Teknologjia e re që ndryshon vetë ora automatikisht ne telefon kështu që thjesht mami më tha që orët mekanike qe kemi në shtëpi nuk ndryshonin, edhe i ndryshuam vet. Unë nuk e di fare që ka ndryshuar ora. Njëlloj si e dije si jo, domethënë ora tek ne nuk përbën ndonjë problem të madhe ndryshon apo jo.
E përjetuam mirë por ndryshimi i kohës na ndryshon dhe ne. Pa gjumë fare jemi. Më e mira është që të mos ndryshojë të rrijë ashtu sikur është. Ky ndryshimi i orarit të prish pak regjimin në sensin duhet të mësohesh pastaj me orën e re, vetëm kaq.
As nuk më ka ra mendja fare. Të rrijë ashtu sic është se na çoroditën, parja e re, ora e re, ndërro këtë ndërro atë, mbetëm vetëm duke ndërruar ne, të ndërrojmë dhe gratë. Shumë mirë por ne pleqve na u shtua orari i gjumit më shumë, që ne nuk kemi gjumë.
Klima më e mirë për ne është ky orar që është vënë tani dhe mirë është që të mos ndryshohet po të jetë kështu”-u shprehën qytetarët. Komisioni Europian ka planifikuar të heq dorë nga ndryshimi i orës, dhe do jenë vendet anëtare që do të vendosin nëse do të mbajnë orën ligjore apo atë diellore. Ndryshimi i orës në Europë filloi në vitin 1974, pas krizës së parë të naftës, në mënyrë që të shfrytëzonin më shumë dritën e diellit dhe të konsumonin më pak energji elektrike.
Lajme të tjera
-
Sot ndryshoi ora, akrepat kthehen 60 minuta pas
27 Tetor, 08:19 -
Të dielën ndërrohet ora, akrepat do të shkojnë 60 minuta pas! Si të përshtateni me kohën e re
25 Tetor, 07:46 -
Kthehet ora dimërore, sociologia për Report Tv: Duhen 4 javë për t’u mësuar, organizoni oraret e fjetjes e zgjimit! Qytetarët: Një orë më shumë gjumë
29 Tetor 2023, 17:05
-
Ndryshimi i orës, gjatë natës akrepat u kthyen 60 minuta prapa
30 Tetor 2022, 07:33 -
Ndryshimi i orës verore 2022, si lëvizin akrepat
26 Mars 2022, 20:54 -
Sot ndryshimi i orës verore 2022, mësoni kur dhe si do të lëvizin akrepat
25 Mars 2022, 01:48 -
Rikthehet ora diellore, sa na vlen ky ndryshim dhe përplasjet sot në Evropë
30 Tetor 2021, 11:00 -
Ndryshon ora! Akrepat lëvizin 60 minuta prapa, pedagogu: Ndryshimi ka ndikim në masë dhe në problemet shëndetësore
25 Tetor 2020, 07:10 -
Sot do flemë një orë më shumë! Në 3 të mëngjesit, akrepat do të lëvizin 60 minuta prapa... ndoshta për të fundit herë
24 Tetor 2020, 10:43 -
Midis 24 dhe 25 tetorit, ndryshon ora sërish... ndoshta për të fundit herë
22 Tetor 2020, 11:20
