Ndërsa rrjeti social "Facebook" u krijua në një dhomë universiteti në Harvard, pak më shumë se dhjetë vite më parë dhe  qytetërimi kinez është qindra vjeçar, në 2015, kanë të njëjtin numër popullsie

Rastësi apo jo ky fakt, por shifrat dëshmojnë se Facebook sot ka të njëjtin numër popullsie me shtetin kinez. Si Facebook ashtu dhe Kina kanë një popullsi prej 1.35 miliard.

Interesant është fakti se Kinës i duhet akoma të bëjë të disponueshëm këtë rrjet social brenda kufijve të shtetit të saj. Por së fundmi Mark Zuckerberg, CEO i Facebook ka filluar të mësojë gjuhën mandarine dhe ka zhvilluar disa takime dhe zyrtarët e shtetit kinez. Këto janë disa prova që shumë shpejt Facebook do të jetë pjesë e këtij tregu.

Ndërkohë ajo që mund të bëjmë tani është thjesht të krahasojmë disa të dhëna mes Facebook dhe shtetit kinez, në të njëtën kohë të ndryshëm por dhe të ngjashëm./ATSH/

Redaksia Online
(a.h/shqiptarja.com)