Politika shqiptare, siç duket, na ka futur të gjithëve në një qorrsokak, nga ku zor se do të dilet kollaj. Nga mëngjesi deri në darkë flitet për ish deputetë të dënuar, para se të bëheshin deputetë e madje edhe për vepra penale kundër qenieve njerëzore. Tashmë, po flitet se këto persona edhe pasi janë larguar sa për sy e faqe nga pushteti, por në emër të pushtetit, duke i shërbyer atij, kanë vazhduar të konsumojnë vepra penale. Disa janë arrestuar e shumë të tjerë flitet se do të arrestohen.
Po të shikojmë konfigurimin e Parlamentit shqiptar nga 2013 e deri më sot, ai, duket se është shuar si konfigurim përfaqësues i përzgjedhjes, sepse shumë prej tyre janë dënuar e të tjerë pritet të arrestohen e dënohen. Çdo gjë ndodhë rreth boshtit kryesor të pushtetit politik, por vetëm ai mbetet i pacenuar dhe i patrazuar. Pra, të gjithë kanë faje, duke përfshirë dhe të inkriminuarit që erdhën në Parlament, që në emër të pushtetit, thuajse ja "bënë nënën popullit", por, ai që i zgjodhi, i solli dhe i mbajti në Parlament nuk ka asnjë lloj faji apo përgjegjësie.
Dua të shtrojë disa pyetje, jo si politikan, sepse nuk jam, jo si gangster, sepse s’kam qenë e nuk jam, por si një i ri që nuk përfaqësohet aspak dhe nuk identifikohet aspak me figurat që, janë futur në parlament në 2013, dhe po ashtu që disa janë rikonfirmuar në 2017, apo janë mbajtur si të fortë në fushatë, për më shumë vota, apo për të pasur me çdo kusht pushtetin.
Mund të marrim pafundësisht shembujt të këtyre modeleve të shëmtuara, por në Veri ka më shumë, për të kuptuar çfarë i ka bërë imazhit politikë dhe elitës politike politika aktuale. Unë, nuk dua të hyjë në analizën, nëse këto janë fajtorë dhe nëse janë të inkriminuar apo jo. Unë, dua të bëj një analizë në një këndvështrim tjetër: Kush është formimi arsimor i këtyre personazheve? Kush është kontributi i tyre në shoqëri, në shkencë apo në kulturë, para se të bëheshin “përfaqësues” të popullit dhe t’ia bënin nënën atij për çdo ditë, duke pasur mbështetje të fortë politike?
Si ka mundësi, që të gjithë këta janë, thuajse, fare pa shkollë? Si ka mundësi të gjithë këta janë të gjithë të dënuar? Si ka mundësi që, thuajse, të gjithë këta janë të pasur dhe pothuajse në mënyrë të paligjshme, pa prodhuar asgjë, por vetëm për shkak të privilegjeve të përfituar nga angazhimi politik dhe më vonë nga marrja e pushtetit? Si ka mundësi që në listat e PS-së, por jo vetëm, nuk gjen një djalë apo një vajzë të shkolluar me meritë, qoftë brenda apo jashtë vendit, i varfër, por dhe ekselencë? Si ka mundësi, që në listat e PS-së, dhe jo vetëm, nuk gjen djem apo vajza, që nuk vijnë me trashëgimi pushteti, qoftë edhe nga e kaluara e keqe e regjimit kaluar? Si ka mundësi, që niveli i shumë deputetëve apo kandidatëve të PS-së, dhe jo vetëm e kryesisht nga zonat e Veriut, janë përfaqësuesit më të shëmtuar të zonave që përfaqësojnë dhe vijnë?
A thua në Dibër, Lezhë, Shkodër, Kukës e më gjerë nuk ka djem e vajza të mrekullueshëm, të shkolluar, të suksesshëm që i kanë të gjitha cilësitë për të qenë përfaqësues të denjë të sovranit?
Si ka mundësi që, ne pushtet kemi personat me mediokër e thuajse pranë analfabetizmit që me t’u angazhuar në politikë, në mënyrë qesharake bëhen edhe doktor shkencash, duke e fyer shkencën dhe ata që merren seriozisht në jetë me të? Ku është modeli politik i kandidatit apo përfaqësuesit të sovranit?
Kush do të jenë kandidatët e ardhshëm për bashkitë dhe anëtarët e këshillave? Si duket puna, do të jenë të njëjtët fundërrina që, thjeshtë, do të riciklohen!
Komente
Lajme të tjera
-
Komisioni i Ligjeve miraton nismën për Forcën Rezerviste, ministri Vëngu: Synojmë rreth 2100 deri në vitin 2030! Rezervistë edhe në diasporë, misione jashtë vendit
26 Nëntor, 16:36
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Alban Daci: Ku po shkon konflikti në Ukrainë?
21 Nëntor, 15:34
-
Buxheti 2025/ Shehi kërkon rritjen e pensioneve te Ekonomia: Le të rritet borxhi me 0,4%, pse medalje nga FMN do marrim?!
20 Nëntor, 17:27 -
Kuvendi miraton në parim pr/buxhetin e vitit 2025, PS kalon portofolin 8.2 miliardë euro me 75 vota! PD-së i dështon protesta
19 Nëntor, 20:40 -
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Edi Rama: 100 - 150 euro bonus për pensionet në fundvit, marrin edhe në pranverë! Qylymat fluturues të Sudes e Rrapushëve tregojnë një tufë përrallash (Fjala e plotë në Parlament)
18 Nëntor, 14:48
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33
Z Alban perjashto SHkodren se nik Jane Ashtu siç thua ti po Shiko keshillin bashkiak cfar llumit ka brenda.
PërgjigjuAlban leri kto,na shpejgo çfare te lidhi me Kaubojsin dhe pse u ndat kur filluan ti mbarohen leket? Ti ke qene keshilltari i ish-deputetit Eduart Ndocaj,dhe zevendes kryetar i partise tij mediokre...
Përgjigju