Sipas një studimi të publikuar në revistën ‘Social Affective and Cognitive Neuroscience’, pohohet se fëmijët të cilët luajnë me video-lojra janë më të pamëshirshëm, të pandjeshëm dhe të pakontrolluar.

Video-lojrat e ndryshme e ndryshojnë trurin e fëmijëve në një mënyë të tillë që i redukton emocionet e tyre dhe i bën ata më pak të ndjeshëm ndaj botës që i rrethon.

Në një eksperiment të udhëhequr nga shkencëtarja Laura Stockdale, kishin marrë pjesë persona të cilët luajnë rrallë dhe persona që luajnë shpesh video-lojëra të tilla.

Nëse 30 orë në javë i kaloni duke luajtur video-lojëra, atëherë konsideroheni se luani shumë.

Studimi kishte analizuar tri lojëra të natyrës së dhunshme dhe jo të dhunshme. Në grupin e atyre që kishin luajtur video-lojëra të dhunshme kishin qenë 30 persona, ndërsa në grupin që kishin luajtur video-lojëra jo të dhunshme kishin qenë 31 persona.

Që të gjithë pjesëmarrësit kishin qenë mesatarisht të moshës 21 vjet.

Pastaj ishin analizuar valët e trurit të tyre.

Në fund, atyre u ishin shfaqur imazhe që përmbanin fotografi të fytyrave të frikësuara dhe të buzëqeshura të njerëze.

Personat që kishin luajtur video-lojëra të dhunshme nuk kishin pasur ndonjë reagim emocional ndaj fytyrave të frikshme, gjë që tregon se ata janë më të “pandjeshëm” për shkak të ekspozimit të madh ndaj dhunës. 

Redaksia Online
A.D/shqiptarja.com