Libri "Si të kujdesemi për të porsalindurin" mbulon të gjitha aspektet e rritjes të një foshnjeje të sapolindur. Më specifikisht ky libër mbulon ushqyerjen me gjoks dhe biberon, higjienën e foshnjës, ndërrimin, veshjen, gjumin, shëndetin, shëtitjet dhe përkëdhelitë. Libri përmban gjithashtu një kapitull mbi kujdesin që nëna duhet të tregojë për trupin dhe shëndetin e saj. Ky libër është përkthyer dhe përshtatur nga frëngjishtja nga botimi origjinal i shtëpisë botuese të famshme franceze, Larousse, nga Anida Kisi dhe botuar në shqip nga “PEGI”. Më poshtë përcjellim disa këshilla dhe orientime shkëputur nga ky libër.
A mund të përgatitet biberoni më parë?
Jo, sepse në qumësht mund të zhvillohen baktere, të cilat mund të shkaktojnë gastroenterit. Por mund ta përgatisni biberonin me ujë të vakët dhe ta ruani në një çantë izotermike, kurse qumështin pluhur mund t'ia shtoni para se t'i jepni për të pirë foshnjes. Gjithashtu, në rast se foshnja nuk e pi të gjithë sasinë e qumështit në biberon, pjesa e mbetur duhet hedhur.
Shkrimin e plotë e gjeni në gazetën SHQIPTARJA.com, 27 dhjetor 2012
(ad.ti/shqiptarja.com)