TIRANE- Grida Duma kandidatja sharmante e PD për bashkinë e Durrësit është akuzuar në vitin 2014 për veprën penale të mashtrimit, pasi së bashku me ortakun e saj Roland Rexho, në kompaninë “Kristian Konstruksion” kanë mashtruar një qytetar. I moshuari Albert Pali i është drejtuar prokurorisë së Tiranës me një kallëzim penal, ku ka treguar se Grida Duma i kishte vjedhur dy apartamente me anën e mashtrimit.

Para se të hynte në politikë Grida Duma, ka bërë biznes dhe këtë punë e ka kryer që në moshën 25-vjeçare, duke hyrë në marëdhënie biznesi, përkrah biznesmenit Roland Rexho. Grida, ka hyrë në 13 dhjetor të 2002 aksionere në këtë kompani ku ka arritrur të blerë 30 për qind të aksioneve të kompanisë së ndërtimit “Kristian Konstruksion”, ndërkohë që mbetet mister se sa lekë janë blerë këto aksione dhe se cila ka qënë burimi i të ardhurave të kësaj shume financiare.