Si vishen Sokol Balla, Mesila
Dode, Sonila Meço dhe Halim Kosova

Një doctor-ministër, një gazetar-moderator, një ikonë ekrani dhe një ish-gazetare, sot politikane. Si mund të vishen Halim Kosova, Sokol Balla, Sonila Meço, dhe Mesila Dode… Stilistja Mirela Cici këtë radhë vjen me vlerësime pozitive, dhe ndonjë sugjerim të lehtë…

Sokol Balla

Një nga gazetarët e njohur dhe moderator i sukseshëm, i programit shumë të ndjekur 'Top-story' Sokol Balla ka krijuar imazhin fashion-man ne TV e Top-Channel me prezantimet e tij, stiluar dhe kuruar me kujdes. Është stili klasik që e personalizon dhe ngjyrat e kravatave si aksesorë, të cilat zgjidhen me kujdes duke të krijuar idenë e një personi me shije.



Sonila Meço

Mendoj se është një nga mediatoret -ikonë e cila fikohet në memorjen tonë jo vetëm për profesionalizmin gazetaresk dhe oratore, por dhe për shijet e saj tepër elegante që ajo zgjedh. Përdor ngjyra të nxehta dhe të forta, por pa lënë pas dore dhe tone të lehta, duke nxjerrë në pah karakterin tepër energjik por dhe shumë sensual. Nuk riskon shume me prerje të forta dhe aksesor. Duke patur avantazh linjat trupore, stili tepër klasik mishërohet shumë bukur, duke e plotësuar si figurë publike.



Halim Kosova

Personazhi i radhës në komentet tona është mjeku i talentuar gjinekolog, Halim Kosova shumë i njohur nga të gjithë ne së fundi dhe për pozicionin e tij si Ministër i Shëndetsisë. Me natyrën e tij humane, ai praktikon stilin klasik ku evidentohen ngjyrat e errëta dhe veçanërisht ajo gri, e cila i përshtatet më së miri me tiparet .



Mesila Dode

Deputetja e PD Mesila Doda e njohur nga ne për replikat e forta, personifikohet me një stil shumë të thjesht klasik por dhe të miksuar me atë sportivë. Përdor tone të hapura dhe ngjyra të ftohta, të cilat nuk më duken të përshtashme për të, duke iu referuar tipareve apo ngjyrës së lëkurës duke e zbehur më shumë. Nuk riskon asnjeherë me prerje të forta apo tendenca si dhe aksesor duke krijuar iden që karakterizohet nga një shpirt modest.



Shkrimi u botua në numrin e sotëm të suplementit “THASH&THEM” të gazetës “Shqiptarja.com”

Redaksia Online
(xh.k/shqiptarja.com)