Shëndetësia publike italiane nuk është në ditët e saj më të mira. Si shumë shtete europiane vuan mungesën e fondeve, mungesën e personelit dhe eksodin e më të mirëve drejt vendeve të Europës qendrore dhe veriore ku paguhen më shumë; shpesh vuan listën e gjatë të pritjeve për një ndërhyrje apo kurim në spitale. E megjithatë, shëndetësia italiane është një mrekulli që ne duhet ta synojmë.
Pasi pret radhën (ndonjëherë e gjatë me muaj apo dhe në kapërcimin e vitit), është një telefonatë që njofton nga spitali përkatës (publik apo privat në konvencion me Shtetin) që duhet të prezantohesh për parashtrimin. Atë ditë infermierët u japin të gjithë pacientëve të paraqitur nga një numër dhe me radhë, njëri pas tjetrit, italianë apo të huaj, të rinj apo të moshuar, burra apo gra, bëjnë vizitat, analizat, ekografitë apo radiografitë e nevojshme për operacionin që do të zhvillojnë. Të gjitha bëhen brenda në spital, askush nuk të çon në struktura të tjera apo më keq private. Shërbimi Shëndetësor Kombëtar i përfshin dhe të gjitha analizat e shërbimet janë realisht falas. Nuk duhet të lusësh askënd, nuk duhet të paguash askënd, nuk duhet të lavdërosh apo të shash askënd. Pacientët presin me durim kalimin nga një laborator në tjetrin derisa përfundojnë analizat që duhen bërë. Është kryeinfermierja që organizon dhe rregullon gjithçka duke thirrur me numër dhe sipas radhës. Të gjithë janë të shpejtë, të gjithë e dinë me saktësi punën që duhet të bëjnë.
Në ditën e shtrimit, që sipas ligjit italian parashikohet deri në 30 ditë prej datës së parashtrimit, sërish kryeinfermierja e repartit përkatës (urologji, neurologji, onkologji, ortopedi etj) cakton krevatin dhe dhomën në të cilën do të shtrohet pacienti. Strukturat spitalore italiane kalojnë disa dhjetëravjeçarë ndërtimi. Nuk kanë lukse apo ngjyra të bukura, por pastërtia dhe rregulli janë shembullorë. Krevati dorëzohet i dezinfektuar dhe me çarçafët të bardhë si bora dhe pacienti është si një bërthamë rreth të cilit lëvizin si milingona punëtore që nga infermierët, mjekët, pastruesit, dhe shërbimet e ushqimeve në tre vakte. Askush nuk lut infermierët të marrin ilaçet e ditës të masin tensionin, të rregullojnë e ndërrojnë çarçafët, apo më keq të paguajnë nën dorë për të marrë shërbimin që u takon. Pacienti hyn në spital vetëm me rrobat e trupit të cilat do t’i shërbejnë kur të dalë.
Italianët vetë ankohen papushim për shërbimin e tyre shëndetësor, denoncojnë parregullsi apo mjekë e infermierë neglizhentë dhe mirë e bëjnë, pasi kritikat (jo balta!) bëjnë që këto struktura të funksionojnë, ose kur nuk funksionojnë të vihen në lëvizje e të përmirësohen. Kush shkel rregullat është përjashtim, ndërsa tek ne, bën përjashtim kush i respekton.
Edhe në spitalet tona pacienti vendoset në qendër të vëmendjes, por të gjithë rreth tij sillen si milingona që duan ta çojnë në struktura private, apo të marrin pagesa për çdo shërbim që bëjnë. Analizat përpara një ndërhyrjeje kirurgjikale mund të qëllojnë të bëhen nga një cep tjetër i Tiranës dhe shpesh në laboratorë privatë. Një paciente terminale u lutej të afërmëve të paguanin mjekët dhe infermieret sepse “...të gjithë këtu kështu e bëjnë dhe më vjen zor”.
Sigurisht që ka përjashtime, ka mjekë të mrekullueshëm, por rasti i ndonjë të drejti apo të pastri, stonon në mjedisin e përgjithshëm ku konsiderohet budalla ai që nuk merr para’, e nuk bën aq shumë pasuri sa të ngrejë paralelisht klinika private e t’i mbushë pastaj me pacientë që “i rrëmben” nga radhët e shërbimit publik shqiptar.
Komente
Lajme të tjera
-
Itali/ Çmontohet banda e ‘skifterëve’ shqiptarë, 50 plaçkitje në seri, drejtuesi në pranga! Mbi gjysmë milioni euro mall, i vidhnin shtëpitë për 15 minuta (EMRAT)
20 Dhjetor, 11:16 -
Nga 1 janari 2025, Milano do ndalojë pirjen e duhanit në ambiente publike
17 Dhjetor, 21:18 -
Milano/ Goditet grupi italo-shqiptar i kokainës, 14 të arrestuar! Rekrutonin shqiptarë si ‘korrierë sezonalë’, u siguronin banesë, makinë dhe ushqim! Pas 3 muajsh... (VIDEO)
2 Dhjetor, 15:31 -
Itali/ I dënuar me 2,4 vite burgim për vjedhje dhe përplasje me Policinë në Milano, shqiptari arrestohet pasi vuan dënimin në Zvicër
1 Dhjetor, 22:52 -
VIDEOLAJM/ Sheshi 'Duomo' i Milanos kuq e zi për 28 Nentor! Shikoni festën e shqiptarëve në Itali deri në mbrëmje vonë
29 Nëntor, 08:37 -
Milano/ I dënuar me 2,5 vite burg për shfrytëzim prostitucioni, arrestohet 31-vjeçari shqiptar i kërkuar! Gjykata e lë në arrest shtëpiak
27 Nëntor, 16:05 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46 -
Shëndetësia dhe e drejta e padiskutueshme për një kurim me dinjitet
12 Nëntor, 11:29
-
Mikel Arteta i zhgënjyer pas humbjes me Interin: S'e kuptova penalltinë e tyre, as 11 metërshin që nuk u dha për ne
7 Nëntor, 12:44 -
Milano/ Trafikuan 5 mln euro kokainë në gjashtë muaj, goditet klani shqiptar! 8 të arrestuar, rrjeti komunikonte me pajisje të enkriptuara, ja si u zbuluan
6 Nëntor, 16:50 -
Dakordësohen Milan dhe Inter, stadiumi i ri në zonën e 'San Siros'! Impianti ikonik i shpëton shembjes
22 Tetor, 14:19 -
Plagosi me armë djalin 18-vjeçar të partneres, Gjykata e Milanos lë në burg 45-vjeçarin shqiptar! Fëmijët po mbronin mamanë nga dhuna
10 Tetor, 18:16
Znj. Malltezi te pergezoj per artilullin dhe temen mese te rendesishme te trajtuar ne te!
PërgjigjuKe te drejte Alba!Shto dhe kete:mos guxoni ti jepni leke doktorit se pefundon i denoncuar te karabinieret per korruptim te personave qe punojne ne pune publike!
PërgjigjuItalise ne radhe te pare duhet ti kopjojme kulturen pastaj te tjerat vijne vet... neve na mungon kultura, respekti per te tjeret ,.
Përgjigju