Partia Demokratike e paska të vështirë të bëjë politikë pa pasur nën kontroll Prokurorinë. Në çdo skemë politike të saj gjatë muajve të fundit, problemi që i krijohet PD-së, është se Lulzim Basha tenton të sillet si prokuror i Përgjithshëm, duke hartuar lista politike arrestimesh.
Në fillim të këtij viti ai bëri publike hetimet e veta në Vlorë për rastin “Babale”, bëri dhe listën e ndëshkimeve, futi dhe Taulant Ballën si zakonisht, por pas disa muajsh rezultoi që prokurori i arrestoi personazhet. Më pas në rastin e “Toyota Yaris”, po ashtu Basha, përveç dekonspirimit të aksionit të policisë, futi dhe Taulant Ballën dhe në fund kur u hetua, doli që i zoti Toyotës kishte bërë foto me të në zyrën e PD.
Historia vazhdoi me rastin e Fushë Krujës, ku Lulzim Basha pasi caktoi që Taulant Balla kishte shkuar në Komisariat dhe bashkë kishin kërcënuar policin, shpalli listën që duhet të arrestohej. Pas hetimeve rezultoi gjithçka gënjeshtër dhe u Basha u muar i pandehur.
Tani në aksionin më të madh kundër grupeve kriminale të policisë shqiptare, ku lista e të arrestuarve ka shkuar 30 vetë, dhe thuajse të gjithë njerëz të afërt me pushtetin e PS, Lulzim Basha ka hall se nuk po i del lista e tij në këto arrestime. Ai vazhdon të kërkojë Taulant Ballën, Vangjush Dakon, etj.
Edhe pse daljet e Bashës janë banale dhe të mërzitshme në këtë pikë, ajo që duket e frikshme në këtë histori është pyetja: Po sikur Basha ta kishte vërtet Prokurorinë nën kontroll, siç e ka pasur me Lallën?
Kjo do të ishte një histori e re marrëzie e Shqipërisë, pasi në vend të krimit dhe mafias, Prokuroria do kthehej në zyrë shtypi të PD, dhe më e keqja, skenarët e tipit “Babale” do ktheheshin në telenovela të vërteta për shoqërinë. Ne sot do të kishim një masakër politike mbi shoqërinë, duke përdorur instrumentat e hetimit shtetëror, dhe do të noterizonim çdo film të prodhuar në SHQUP, në zyrat e kunatit të Lulit.
Nga ana tjetër, kjo sjellje e Bashës tregon shumë për faktin, që ky njeri vrau katër vetë në bulevard si ministër i Brendshëm dhe nuk u thirr kurrë nga Prokuroria, kurse tani bën lista të arrestuarish që duhet t’ia zbatojë Prokuroria.
Është kjo arsyeja që vajzat e tij rriten si vajza miliarderi, kurse vajzat e Aleks Nikës, vrarë prej tij, rriten pa baba dhe pa e ditur, pse një prokuror nuk hetoi kurrë krimin ndaj babait të tyre. Tani në një moment, kur duket se Prokurorinë nuk e ka më ushtare, bën lista dhe ulëret përse nuk zbatohen dëshirat e tij!
Nuk e ka aq shumë me kundërshtarët, por si test që Prokuroria t’i bindet dhe këtij. Se vetëm kështu mund të jetë i qetë që nuk e ngacmojnë, për çfarë ka bërë. Pasi ky është mësuar ta ketë Prokurorinë si badigardin e tij, ose me gishta mangët, ose me tru mangut./TemA/
Lajme të tjera
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Mero Baze: Në pritje të autokritikës së pronarëve të televizioneve për Berishën
13 Nëntor, 21:48
-
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40
