Sillnin makina kontrabandë nga Anglia dhe i shisnin për pjesë, 1 në pranga dhe 1 në hetim në Korçë

Sillnin makina kontrabandë nga Anglia dhe i shisnin për pjesë, 1 në pranga dhe 1 në hetim në Korçë

KORÇË- Një skenë e kontrabandimit të makinave është zbuluar në qytetin e Korçës. Një person ka rënë në pranga dhe një tjetër është vënë në hetim.

Dy personat dyshohet se sillnin makina kontrabandë nga Anglia, më pas i çmontonin dhe i shisnin për pjesë në vendin tonë.

Nga njoftimet e bëra nga policia në qytetin e Korçës është vënë në pranga një 27-vjeçar Shaqir Gërmenji,  ndërsa një 50-vjeçar A. S. është në hetim. Dy shtetasit dyshohen se sillnin automjete kontrabandë nga Anglia, i çmontonin dhe i shisnin për pjesë në vendin tonë.

"Në bazë të informacioneve të siguruara nga inteligjenca policore se këta dy shtetas ushtronin veprimtari të paligjshme në serviset e tyre respektive, shërbimet e Policisë ushtruan kontrolle ku konkretisht në servisin e shtetasit Sh. G., gjetën 30 automjete, pa dokumentacionin përkatës, të pashoqëruar me faturat blerëse. Gjithashtu gjatë kontrollit në servisin e shtetasit A. S., i cili rezultoi i paregjistruar në organet përkatëse u gjetën 6 automjete të tjera, pa dokumentacionin përkatës, të pashoqëruar me faturat blerëse. Në cilësinë e provës materiale për këto dy raste u sekuestruan 36 automjete, me pjesë të çmontuara, të cilat dyshohet se janë kontrabanduar nga Anglia, në Shqipëri", njofton policia. 

Nga kontrollet e bëra në të dy serviset e tyre, konkretisht në aksin rrugor Pogradec-Korçë janë gjetur 36 automjete, të cilat janë sekuestruara nga Policia.

Të gjitha materialet në cilësinë e provës janë dorëzuar pranë Prokurorisë së Korçës për hetime të mëtejshme.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 17/02/2024 19:19

    Po e leni popullin te ushqehet se kemi 30vite qe na ropet na dhat dhen per rrugt e botes me forcat sakrificat tona se ndihm ka shteti shqiptar skemi pas...po ku ka ma hajdut e ordiner se ju qe vidhni venin e djersen popllit tuj

    Përgjigju
  • Iris: 16/02/2024 23:53

    Po ndonje emer doganieri qe i lejonte te kalonin nuk kemi ne hetim?!

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Akrobatët performancë te Amfiteatri: Të ndërtohet Cirku i ri, stërvitemi në kushte skandaloze

Akrobatët performancë te Amfiteatri: Të ndërtohet Cirku i ri, stërvitemi në kushte skandaloze