Shqipëria nuk ia del të marrë pikë në Pragë duke u mposhtur pastër 2-0 nga Çekia. Një ndeshje për t'u harruar nga kuqezinjtë që nuk zhvilluan një lojë të mirë ndaj rivalëve të grupit. Në përfundim të ndeshjes trajneri Sylvinho në një prononcim tha se skuadra duhet të përmirësohet pasi tani Shqipëria studiohet nga të tjerët dhe nuk është më një ekip që kalohet lehtësisht. Veç trajnerit, edhe protagonistët Nedim Bajrami dhe Qazim Laç dhanë përshtypjet e tyre.
"Një humbje është humbje dhe nuk të vjen mirë. Nuk jemi më skuadër që humbet me shumë gola. Nuk pati mungesë entuziazmi, por ishte skuadra kundërshtare që priste 13 muaj për 1 fitore dhe ishin shumë të motivuar sidomos për humbjen 3-0 në Tiranë.
Duhet të përmirësohemi pasi tani Shqipëria studiohet nga të tjerët dhe nuk është më një ekip që kalohet lehtësisht. Nuk është çështje taktike, por mendoj që realisht na kanë studiuar.
Nesër mendojmë për Gjeorgjinë pasi është një transfertë e vështirë. Sot patëm raste me Dakun, Asanin, Laçin, Asllanin. Çekët ishin të motivuar dhe dukej sikur po luanin me Brazilin. Duhet të përmirësohemi e të marrim ndeshje pas ndeshje.
Kjo është një element krenarie që kundërshtari na studion dhe mendon se mund t'i mundë Shqipëria. Kjo është edhe reflektim për të përmirësuar e për t'i bërë ballë.
Dy gola nga krahët? Nuk është e lehtë të luash me Çekinë, ekip shumë i fortë. Të tjerët na perceptojmë si një ekip i fortë dhe duhet të kenë kujdes. Kjo do të thotë që ne duhet të përmirësohemi", tha Sylvinho.
'Dy hapa pas', kështu e ka cilësuar legjenda e Kombëtares, ish-futbollisti vlonjat Sokol Kushta humbjen 2-0 kundër Çekisë në Ligën e Kombeve.
"Në këtë ndeshje bëmë dy hapa mbrapa, një në lojë dhe e dyta në mendim pas loje. E para që luajtëm dobët dhe duhet të rivijnë aty ku e nisem. E dyta që më shqetëson që në intervista lojtarët dhe trajneri nuk ndihen fajtor, por vazhdojnë me justifikime. Sa më shpejt të rikthejnë ekipin aty ku e meritojnë tifozët kudo që janë", shkruan Kushta.
Humbja e Kombëtares 2-0 kundër Çekisë në Pragë u komentua edhe nga Nedim Bajrami dhe Qazim Laçi, dy protagonistët e ndeshjes që vlente për Grupin B1 në Ligën e Kombeve.
Nedim Bajrami tha se Çekia nuk bëri asgjë më shumë në lojë se kuqezinjtë.
"E dinim që ata do të ishin agresiv, e morëm golin shumë shpejt. Pas 10-15 minuta e morëm ndeshjen në kontroll. Nuk është se ata kanë bërë lojë shumë të mirë, luanin me topa të gjatë.
Gjeorgjia humbi dhe mendoj se jemi akoma në garë. Na kanë bërë shumë presion ata, mbas 2 ditësh kemi ndeshjen tjetër, shpresoj t’i shënojmë ato golat që nuk shënuam sot. Edhe mbrojtjen edhe sulmin i kishim më të mirë.
Nuk kanë bërë ndonjë gjë më të mirë se ne, kështu është futbolli. Ata luanin me topa të gjatë. Duhet të luash në 3-4 pozita, bëjmë rotacion, unë jam 10-ç, por nuk e kam problem të luaj në krah, edhe të Rangers luaj në krah. Unë preferoj 10, edhe sot jam përpjekur të ndihmoj Dakun. Unë jap maksimumin kudo të më fusë trajnerin, por unë jam 10-ç”, u shpreh Bajrami.
Ndërkohë që Qazim Laçi tha se goli i dytë ishte dërrmues për tanët.
"Nisja me gol na prishi lojën që menduam. Duhet të niseshim më mirë pasi e dinim që ata do luanin me topa të gjatë. U munduam, por nuk e bëmë mië. Kishim edhe një aksion me Bajramin që goditi dhe ishte afër golit. Fillimi i keq na prishi, por më pas patëm edhe raste shënimi.
Me golin e dytë mbaroi loja. Çekët më njihnin, sot Asllani bëri mesfushorin e avancuar. U munduam, por nuk na eci. Fillimi i lojës me topat e gjatë nuk ndihmuan shumë. Humbëm shumë topa të dytë dhe na iku pak loja. Pas golit arritëm disa minuta të qarkullojmë topin, patëm raste. Me rastin e Asanit mund të bënim një gjë më të mirë, por ajo 2-0 na fiku dritat", tha Laçi.
Lajme të tjera
-
U stërvit nga Sylvinho, talenti Keslin Shani për Report Tv: Kënaqësi e papërshkrueshme të jesh me Kombëtaren, s’i prisja këto rezultate
22 Nëntor, 13:01
-
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Dështimi në Ligën e Kombeve dhe formacioni, përplasje në Kombëtare! Kapiten Ismajli e Uzuni dalin publikisht kundër Sylvinhos
20 Nëntor, 16:43 -
'Bëme regres në Ligën e Kombeve, s'e kuptoj pse Sylvinho nuk ndryshon?!' Rraklli kritika për trajnerin: Po s'shënove nuk shkohet në Botëror
20 Nëntor, 14:18 -
Uzuni del hapur kundër Sylvinhos: Prisja ta nisja titullar, te Granada jam i padiskutueshëm! Zinchenko: Shqipëria kombëtare e shkëlqyer
20 Nëntor, 12:07
-
Ndeshja deçizive kundër Ukrainës në 'Air Albania', trajneri Sylvinho: Për ne është finale, në fushë për tri pikë! Asani s'është gati! Kapiten Ismajli: Nesër rrugë tjetër veç fitores nuk ka (VIDEO)
18 Nëntor, 15:47 -
Formacioni/ Jasir Asani i dëmtuar dhe Daku në majën e sulmit, si ndryshon Kombëtarja për Ukrainën! Sylvinho me ekip sulmues, arbitrat nga Portugalia
18 Nëntor, 09:21 -
‘Sylvinho trajner konservator’! Gazetari Pano Xhixho: Ndonjëherë Muçi dhe Uzuni duhet të luajnë titullarë
17 Nëntor, 14:58
