POP 5

Lajmet më të lexuara të 5 minutave të fundit

Bota

Siria, Kurdët: Dyshojmë se janë përdorur armë jo konvencionale në sulmet turke. Ankaraja mohon: Ne nuk kemi asnjë të tillë

Administrata autonome kurde: Erdogan po përdor fosforin dhe napalmin, i ndaluar globalisht. Përgjigja e Turqisë: milicitë kurde të Ypg përdorin armë kimike për të na akuzuar më pas ne. Mjekët: Njerëzit kanë lëndime shumë të zakonshme

Pas 8 ditësh të rezistencës së ashpër nga luftëtarët tanë kundër sulmeve të rënda tokësore dhe ajrore turke, kurdët dyshojnë dhe akuzojnë Ankaranë se ka përdorur armë jokonvencionale.

Zëdhënësi i forcave demokratike Siriane me shumicë kurdë, Mustafa Bali, ka shkruar në Tëitter, " Ne u bëjmë thirrje organizatave ndërkombëtare të dërgojnë ekipet e tyre për të hetuar plagët e marra gjatë sulmeve”. Po sipas tij, armët e përdorura mund të jenë me napalm dhe fosfor”.

Nga ana tjetër ka reaguar dhe Ankaraja e cila ka mohuar pretendimet.

"Të gjithë e dinë që ushtria turke nuk ka armë kimike në inventarin e saj. Disa informacione tregojnë se janë" militantët kurdë të Ypg që po përdorin armë kimike për të akuzuar më pas Turqinë", - tha Ministri i Mbrojtjes Hulusi Akar.

Por mjekët janë të bindur se nuk ka patur përdorim të armëve jo konvencionale. “Plagët që po trajtojmë në spitale janë lëndime normale”, 0 tha një prej mjekëve në qytetin Ras al-Ain.

Ndërkohë dy aeroplanët luftarakë F-15 amerikanë shkatërruan një depozitë municionesh në një ish bazë amerikane në Siri për të mos lejuar që ato të binin në duart e luftëtarëve të ISIS.

Letra e Trump e hedhur nga Erdogan

Më 9 tetor, Presidenti amerikan Donald Trump i shkruajti Presidentit Rexhep Tajip Erdogan një letër ku i shkruante,  "Mos u trego i ashpër, mos u bëj pa mend. Ju nuk dëshironi të jeni përgjegjës për masakrën e mijëra njerëzve," shkroi ai. "Historia do të shkruaj në mënyrë të favorshme për ju nëse arrin të veproni në mënyrën e duhur dhe njerëzore."

Por Erdogan rezultoi se e ka hedhur letrën "në mbeturina". Burimet e qeverisë së Ankarasë, të cituara nga media lokale, raportojnë se presidenca turke e konsideroi letrën "mungesë mirësjellje diplomatike" dhe dha "përgjigjen e saj më të mirë duke nisur operacionin ushtarak përtej kufirit në të njëjtën ditë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51