POP 5

Lajmet më të lexuara të 5 minutave të fundit

Ekonomi

Sistemi bankar shqiptar e
mbylli vitin 2013 me fitim

Pavarësisht krizës ekonomike që shoqëroi vendin gjatë vitit 2013, sistemi bankar shqiptar e mbylli vitin me fitim. Sipas të dhënave të paaudituara të Shoqatës Shqiptare të Bankave, 9 nga 16 banka tregtare gjithsej, deklaruan rezultate fitimprurëse për vitin 2013.
Sistemi bankar shqiptar e<br />mbylli vitin 2013 me fitim
TIRANE- Pavarësisht krizës ekonomike që shoqëroi vendin gjatë vitit 2013, sistemi bankar shqiptar e mbylli vitin me fitim. Sipas të dhënave të paaudituara të Shoqatës Shqiptare të Bankave, 9 nga 16 banka tregtare gjithsej, deklaruan rezultate fitimprurëse për vitin 2013.
 
Standardet ndërkombëtare të raportimit financiar, tregojnë se shumica e bankave kanë arritur të ruajnë rezultate pozitive në atë që konsiderohet si viti më i vështirë i ekonomisë së vendit. Por 4 prej 16 bankave kanë raportuar humbje, ndërsa tre të tjera nuk i kanë publikuar ende të dhënat finale vjetore. Bankat më të mëdha të sistemit, vijuan rezultatet pozitive dhe e mbyllën vitin 2013 me fitim.
 
Banka “Raiffeisen” arriti një fitim neto prej rreth 4.5 miliardë lekësh. E dyta në sistem Banka Kombëtare Tregtare, ka siguruar një fitim prej 4 mld lekësh. Banka “Intesa Sanpaolo” deklaroi fitim prej 981 milionë lekësh. “Credins Bank” raportoi fitim në vlerën e 608 milionë lekëve.
 
Ndër bankat e tjera, rezultat pozitiv arriti edhe “Societe Generale”, me një fitim prej 457 milionë lekësh. Rezultat me fitim deklaruan edhe “Fibank”, “NBG Bank”, “Veneto Banka” dhe “Banka Ndërkombëtare Tregtare”.
 
Grupi bankave që e mbyllën vitin 2013 me humbje ka në përbërjen e tij katër banka tregtare. Ndërkohë, “Alpha Bank”, “Union Bank” dhe “Banka e Bashkuar e Shqipërisë”, ende nuk i kanë bërë publike rezultatet e vitit 2013.
 
Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kompleksi i 29 Nëntorit është më i madh tek e majta

Kompleksi i 29 Nëntorit është më i madh tek e majta

29 Nëntor, 19:14 nga Ben Andoni