Situata e COVID në Itali/ Mjeku: Mund të kemi rritje të kapaciteteve spitalore, por duhet rritur numri i mjekëve! Po krijohet panik në spitale (VIDEO)

I ftuar në emision ishte dhe mjeku Albert Troci nga Italia. Nëpërmjet një lidhje Skype ai sqaroi dhe situatën epidemiologjike në vendin fqinj duke pasur parasysh se prej disa ditësh ka pasur një rritje të numrit të të infektuarve. Vetëm këtë të premte u regjistruan mbi 10 mijë raste të reja.

Troci thotë se masat parandaluese janë marrë nga qeveria, por vendosi theksin tek stafet mjekësore. Ai tha se pavarësisht se mund të shtohen kapacitetet spitalore si shtretër apo dhe pajisje respirative, duhen shtuar patjetër dhe mjekët në raport me këto të tjerat.

"Këto 2 javët e fundit, situata është përkeqësuar. Dukej sikur po mbronte veten por javën e fundit kemi pasur shpërthim rastesh. Duket sikur po krijohet panik në spitale. Presim vetëm pacientë COVID. Sot kishim 10 mijë raste. Në terapi intensive por rriten shumë. Masat janë marrë. Në Itali ka rreth 2 javë që janë vendosur masa, maskat janë bërë të detyrueshme në ambientet e jashtme. Ka pasur protesta të vogla kundër kësaj mase. Hapja e shkollave nuk është domosdoshmërisht shkaku i shtimit të rasteve. Por është dinamika e jetës këtu në Itali. Këtu ka debate, nga ana shkencore ka studime ku përfshihen vetëm maskat kirurgjikale dhe jo ato prej cope. Në këto studime, japin një ulje të transmetimit të virusit. Mund të rritësh kapacitetet spitalore, shtretër dhe mjetet respirative por duhet që të rriten dhe kapacitetet e mjekëve. Italia ka shtuar kapacitetet shumë të testimeve ku bëhen mbi 100 mijë tampone. Një problem ka qenë frekuentimi i lokaleve të natës. Në Lombardi, lokalet duhet të shërbejnë vetëm për personat që janë të ulur, pra lokalet e natës janë kufizuar. Në orën 23:00 duhet të mbyllen" - tha mjeku.


Lajmi kryesor:

Mjeku Koraqi në Report Tv: Testimet do vijojnë të rriten! Rreziku i infektimit me COVID në spitale i ulët,  ende kanë kapacitet për persona me sëmundje të tjera (VIDEO)


E.M./b.ha./Shqiptarja.com
  • Sondazhi i ditës:

    Skandali me nënshtetësitë pa asnjë verifikim, a duhet të ngrihet një komision hetimor për presidentin llir Meta?



×

Lajmi i fundit

John

Felaj: Presidenca nuk mund të përdoret në mënyrë të papërgjegjshëm për qoka personale