Në 24 orët e fundit në të gjithë vendin raportohen nga Ministria e Mbrojtjes se ka pasur 19 vatra zjarri, ku prej tyre vetëm 6 vijojnë të jenë aktive, ndërsa 13 të tjera janë arritur të izolohen.
Vatrat të cilat janë aktive raportohen në: Bashkinë Shkodër, në vendin e quajtur “Maja e Zorgjit” në fshatin Ndërlysaj, i cili vijon prej 3 ditësh, në sipërfaqe pyjore me pyll pishe dhe terren malor që ka djegie brënda vatrës. Ditën e sotme janë angazhuar forcat Administratës së Zonave të Mbrojtura; Bashkinë Mat, në fshatin German, në një sipërfaqe pylli me pisha dhe lis në afërsi të Parkut Kombëtar të Qafshtamës, i cili është aktivizuar që me datë 1 të muajit Gusht. Janë angazhuar në shuarjen e vatrave forcat e Bashkisë Mat të mbështetur nga Forcat e Armatosura.
Situata tashmë është drejt përmirësimit dhe pritet ditën e sotme të arrihet shuarja e vatrave të mbetura; Bashkinë Durrës, Vijon zjarri i rënë me datë 19 korrik në fshatin Shetaj, i cili përgjatë gjithë kësaj periudhe ka pasur rindezje të vatrave qofshin këto nga pakujdesia apo të qëllimshme. Edhe ditën e sotme vijon puna me mjete dhe gërmuese për të hapur rrugën në mënyrë që të arrihen vatrat nga forcat operacionale dhe të kryhet shuarja përfundimtare e tyre; Në bashkinë Kurbin vijojnë aktive vatrat në fshatin Skuraj dhe Malin e Bardhë, intesiteti i të cilave është i ulët. Ditën e sotme vijojnë angazhimin strukturat e bashkisë Kurbin për shuarjen përfundimtare të tyre; Mbrëmjen e djeshme jemi njoftuar për një vatër zjarri në fshatin Bulshat të bashkisë Mirditë, në të njëjtën zonë të fikur disa ditë më parë. Shërbimi zjarrfikës ka reaguar menjeherë duke ruajtur perimetrin e sigurisë së zjarrit në mënyrë që të mos shfaqej rrezik ndaj banesave. Operacioni për shuarjen e vatres së zjarrit vijon nga forcat zjarrfikëse dhe forcat e Bashkisë; Ditën e sotme është raportuar për një vatër zjarri në fshatin Rehove të Bashkisë Poliçan, në sipërfaqe pyjore, për të cilën janë angazhuar menjëherë forcat e shërbimit zjarrfikës.
Ndërsa vatrat e zjarrti të cilat janë shuar janë konkretisht: në fshatin Shqath, bashkia Dibër, në fshatin Shahinaj, bashkia Shijak, në fshatrat Dragobi dhe Bushat të bashkise Tropojë, në fshatin Shkjezë, bashkia Vau-Dejës, në fshatin Nartë, bashkia Vlorë, në fshatin Kalivaç, bashkia Memaliaj, në fshatin Dëshiran, bashkia Belsh, në fshatin Drizë, bashkia Kuçovë, në fshatin Karbunarë e Vogël dhe Konjat të bashkisë Lushnje, në fshatin Shtiqën, bashkia Vau I Dejes, ne fshatin Selcë, bashkia Maliq.
Gjatë operacioneve të shuarjes së vatrave gjatë 24 orëve të fundit janë angazhuar 342 forca operacionale, të Shërbimit te Mbrojtjes nga Zjarri dhe Shpëtimi , Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare dhe janë angazhuar 35 mjete zjarrfikëse.
Vijon...
Dy vatra zjarri që kanë qenë aktive në Berat janë vënë nën kontroll, një në Moravë tjetra në Lapardha sipas Drejtorisë së MZSH-së në bashkinë Berat.
Zjarri në fshatin Moravë është shfaqur në një kasolle pranë një shtëpie banimi. Menjëherë janë nisur 3 mjete zjarrfikëse dhe 8 punonjës të MZSH-së. Është bërë e mundur që zjarri të vihet nën kontroll, duke u fikur plotësisht. Ka pasur vetëm dëme materiale.
Edhe vatra e zjarrit në Lapardha është vënë krejtësisht nën kontroll nga 3 mjete zjarrfikëse. Fillimisht mori zjarr një shkurre, dhe flakët u përhapur derisa u dogjën rreth 1 dynym shkurre.
Ndërhyrja e menjëhershme bëri që banesat të shpëtojnë pa u djegur.
Një zjarr i fuqishëm ka përfshirë zonën mes fshatit Zeze dhe Vrionit në Nikël të Fushë-Krujës.
Zjarri i rënë po djeg sipërfaqe të mëdha pyjesh të ulëta me shkurre e pemë dhe po merr përmasa të mëdha.
Për shuarjen dhe neutralizimin e flakëve ka ndërhyrë reparti zjarrfikës i Krujës, të cilët po përpiqen të lokalizojnë flakët.
Ekziston rreziku që zjarri të përfshijë banesat.
Një vatër e madhe zjarri është riaktivizuar gjatë ditës së sotme në fshatin Malaj të Mirditës.
Flakët janë përhapur në disa drejtime në masivin pyjor të kësaj zone, duke vënë në rrezik 5 banesa që ndodhen aty.
Në terren ndodhet një automjet zjarrfikës, por deportimi është mjaft i vështirë për shkak te terrenit të thyer malor.
Në këto kushte po ndërhyhet me mjete rrethanore nga banorë të zonës, të cilët kerkojnë ndihmën e autoriteteve për vënien nën kontroll të këtij zjarri.
Një zjarr është duke djegur një ullishte në Bajkaj, shumë pranë rrugës Sarandë – Kardhiq.
Zjarri rrezikon të përhapet edhe në ullishte dhe vreshta të tjera përreth.
Komente
Lajme të tjera
-
Zjarret në vend/ Ministria e Mbrojtjes: Gjatë 24 orëve janë shuar 23 vatra, 2 aktive
4 Shtator, 13:53 -
Zjarr në masivin pyjor në fshatin Novosej të Kukësit, kërkohet ndërhyrja nga ajri! Terreni i thyer vështirëson shuarjen e flakëve
3 Shtator, 20:54 -
Zjarret në vend/ Ministria e Mbrojtjes: 25 vatra të raportuara, 19 prej tyre janë shuar! Mbetet problematike situata në Mirditë
3 Shtator, 11:18 -
Zjarret në vend, Ministria e Mbrojtjes: 22 vatra të shuara në 24 orë, 5 aktive
1 Shtator, 13:24 -
Zjarret në pyjet e Fanit dhe Oroshit në Mirditë, kryebashkiaku thirrje të ndërhyhet nga ajri: Situata është kritike
1 Shtator, 08:40 -
Zjarr i madh në Kallmet të Lezhës, rrezikohen banesat! Zjarrfikësit në luftë me flakët
28 Gusht, 07:47 -
Zjarri shkrumbon banesa e dhjetëra hektarë pemëtari në Zadrimë! Pamjet me dron nga tokat e djegura (VIDEO)
27 Gusht, 12:07 -
Zjarret në vend/ Mbrojtja Civile publikon të dhënat e fundit: 14 vatra aktive, 6 të tjera u shuan
15 Gusht, 17:46 -
Vijon digjet prej 15 ditësh mali i Valikardhës në Bulqizë, shkrumbohen rreth 50 hektarë pyje ahu dhe pishe
15 Gusht, 09:39 -
Zjarri në masivin pyjor të Lekajt në Lushnjë, digjen 10 ha me shkurre dhe pisha! Vatrat ende aktive
13 Gusht, 08:32 -
Zjarret në vend/ Ministria e Mbrojtjes: 19 vatra janë ende aktive, 9 të tjera u shuan
11 Gusht, 19:16 -
Situata e zjarreve në vend, Ministria e Mbrojtjes: Në 24 orë u raportuan 23 vatra, vetëm 2 janë aktive
11 Korrik, 11:03
Mbase djeg zjarri disa vrasesa me pagese ne Nikel se shteti nuk i kap dot
Përgjigju