POP 5

Lajmet më të lexuara të 5 minutave të fundit

Ekonomi

Situata energjetike, AK: Qeveria të
publikojë aneks kontratat me CEZ

Aleancës Kuq e Zi ka kërkuar sot nga Kryeministri bërjen publike të kontratës dhe aneks kontratave që ekzistojnë mes qeverisë dhe kompanisë CEZ-Shpërndarje.
Përmbarimi i bllokoi llogartië bankara për 430 mln lekë
Berisha: Kompania çeke u keqmenaxhua
Situata energjetike, AK: Qeveria të <br />publikojë aneks kontratat me CEZ
TIRANE - Konfliktet e qeverisë me kompaninë çeke energjetike CEZ-Shpërndarje janë vendosur edhe në fokusin e Aleancës Kuq e Zi e cila ka kërkuar sot nga Kryeministri bërjen publike të kontratës dhe aneks kontratave që ekzistojnë mes qeverisë dhe kësaj kompanie.

“Përveç mosverpimit të qëllimshëm apo jo në kohë të enteve dhe qeverisë për të shmangur kolapsin energjetik, Aleanca Kuq e Zi në emër të konsumatorëve shqiptarë kërkon si hap të parë për të nisur zgjidhjen e kësaj situate bërjen publike dhe transparente të të gjithë kontratës dhe anekseve të privatizimit midis qeverisë dhe CEZ shpërndarje”, tha sot në një deklaratë për shtyp Sekretari për Çështjet Energjike në Aleancën Kuq e Zi Altin Dauti.

Sipas Dautit, mes shteti dhe CEZ po bëhet një lojë pasojat e së cilës reflektohen mbi konsumatorin.

“Aleanca Kuq e Zi i kërkon qeverisë më të korruptuar në Ballkanit të bëjë publike kontratën dhe aneks kontratat që ekzistojnë midis qeverisë dhe “CEZ shpërndarje”, u shpreh Dauti.

Aleanca Kuq e Zi “dënon ashpër çdo veprim dhe mosveprim në kohë të qeverisë dhe enteve përkatëse të cilat lidhen drejtpërsëdrejti me abuzimet spektakolare që sollën këtë situatë kaotike dhe problematike për konsumatorët shqiptarë.”

Sipas Dautit, humbjet në rrjet në kohën e privatizimit të rrjetit të shpërndarjes së energjisë elektrike ishin në nivelet 36%, ndërsa sot mbi 50%.

“Privatizimi i sektorëve strategjik u bë për të përmirësuar aktivitetin e kompanive që përfaqësonin këta sektorë dhe sot gjejmë një dështim total të çdo sektori”, - theksoi sekretari për Çështjet Energjetike në AK.

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Prishtina i bashkohet Paradës së Shqiptarëve në Tiranë me 200 artistë dhe performues! Veliaj: Kremtojmë së bashku 112 vite pavarësi

Prishtina i bashkohet Paradës së Shqiptarëve në Tiranë me 200 artistë dhe performues! Veliaj: Kremtojmë së bashku 112 vite pavarësi

26 Nëntor, 09:34