Banka Botërore 29.5 mln dollarë për shëndetësinë në Shqipëri, financohen spitalet e dëmtuara nga tërmeti

Banka Botërore 29.5 mln dollarë për shëndetësinë në Shqipëri, financohen spitalet e dëmtuara nga tërmeti

Bordi i Drejtorëve Ekzekutivë të Bankës Botërore ka miratuar dje një financim shtesë prej 29.5 milionë dollarë për projektin e Përmirësimit të Sektorit të Shëndetësisë në Shqipëri. Ky financim do të ndihmojë në adresimin e dëmeve të shkaktuara në institucione te kujdesit shëndetësor nga tërmeti i nëntorit të vitit 2019 si dhe do të përmirësojë procesin e modernizimit dhe reformat në disa shërbime spitalore publike.

Financimi Shtesë do të ndihmojë në rehabilitimin e Spitalit të Krujës, Spitalit Rajonal të Lezhës dhe disa spitaleve e njësive në Qendrën Spitalore Universitare Nënë Tereza si Departamenti i angiologjisë dhe kardiokirurgjisë, Spitalit Psikiatrik, Departamenti i djegies dhe kirurgjisë plastike, dhe Spitali i përgjithshëm pedriatik. Gjithashtu, do të furnizohen me pajisje të reja mjekësore Spitali i Pediatrisë dhe Spitali i Laçit.

“Rehabilitimi i infrastrukturës kritike dhe blerja e pajisjeve të reja mjekësore për spitalet rajonale dhe bashkiake do të ndihmojë në forcimin e rolit të tyre në ofrimin e kujdesit shëndetësor më cilësor dhe më efikas për popullin e Shqipërisë,” tha Emanuel Salinas, Menaxher i Bankës Botërore për Shqipërinë.

Financimi Shtesë po mbështet gjithashtu zbatimin e Sistemit Rajonal të Informacionit Shëndetësor në të gjithë rrjetin spitalor rajonal, i cili do të mundësojë një koordinim dhe integrim më të fortë të shërbimeve për të përmirësuar vazhdimësinë dhe cilësinë e kujdesit shëndetësor.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Bulqizë/ Ishte duke riparuar një defekt, elektricistin e zë korrenti, mbetet i plagosur

Bulqizë/ Ishte duke riparuar një defekt, elektricistin e zë korrenti, mbetet i plagosur