Situatë emergjente, Balla: Duhet një koalicion kombëtar kundër dhunës! Shfaqet edhe në Kuvend, e më tej në shoqëri e në shkolla

Ministri i Brendshëm, Taulant Balla ndërkohë që foli për viktimat e dhunës çfarëdo lloj forme qoftë ajo, theksoi se nevojitet një koalicion kombëtar për të reaguar kundër këtij fenomeni në vend.

Ai mori disa shembuj, duke përmendur se edhe në Kuvend ka dhunë, siç është gjuha e përdorur ndaj ligjvënësve.

“Si mund të mbrohet një viktimë e dhunës seksuale nëse shteti nuk bëhet mbrojtësi i saj? Jemi në kushtet e një situate emergjente, që kërkon ndërhyrje.

Duhet të bëhemi të gjithë bashkë, të krijojmë një koalicion kombëtar të të gjithë aktorëve, të shoqërisë civile dhe të medias.

Ka forma të caktuara dhune dhe në Kuvendin e Shqipërisë, jo fishekzjarrët dhe tymueset, por për gjuhën. Gjuha ndaj vajzave dhe grave në Kuvend, kjo përçohet dhe në shoqëri. Flas për bullizmin në shkolla”, tha Balla.

Lajmi kryesor:

'Më mirë të rrisësh dele në Kukës sesa të punosh në shtëpi bari në Angli' Balla: Do mbështesim viktimat e trafikimit drejt Britanisë

B.V/Shqiptarja.com

TAG:
• debati per shqiptaret ne britani
• taulant balla