''S'jam as i kënaqur dhe as i mërzitur", Colella flet pas barazimit me Kastriotin! Zv/trajneri i krutanëve: E dinim se Partizani është i fortë (VIDEO)

Kastrioti ka rezultuar një ‘kockë e fortë’ për Partizanin. Të kuqtë në javën e tetë të Superligës nuk kanë shkuar më shumë se një barazim 0-0 në ‘Elbasan Arena’ edhe pse ishin dominues dhe patën disa mundësi të mira për të kaluar në avantazh. Në fund skuadrat ndanë pikët dhe për Partizanin ishte e mjaftueshme për të ruajtur kruen.

“Nuk kemi patur ritmin e duhur për të fituar këtë ndeshje. Kemi patur disa raste dhe kemi tentuar disa herë portën, por kjo nuk mjaftoi. Nuk ishte një ndeshje as positive, por mund të them se as negative,”-u shpreh Giovani Colella, trajner i Partizanit.

“Patëm një ndeshje shumë të vështirë pasi Partizani është i pari në renditje. Ato kanë bërë një investim të madh dhe ne e dimë kapacitetin tonë, se deri ku mund të shkojmë. E patëm përgatitur ndeshjen në këtë mënyrë dhe me një barazim jemi të kënaqur. Nëse do na dilte diçka tjetër akoma më mirë,”-deklaroi Bekim Kuli, zv/trajner i Kastriotit.

Pas 8 ndeshjeve në kampionat Partizani udhëheq me 16 pikë, 1 më shumë se Tirana ndjekëse, që të dielën mposhti 0-1 Bylisin. Në fushën e vështirë të Ballshit golin trepikësh e realizoi Florent Hasani në pjesën e dytë. Sakaq Vllaznia u ndal në një barazim 1-1 në fushën e Laçit ku fillimisht realizuan vendasit dhe më pas barazoi Erald Marku për shkodranët.

Më herët Teuta arriti fitoren e parë për këtë sezon, duke mposhtur Egnatian me rezultatin 1-2.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Spahiu: Durim Bami dëshmoi në 2016 per lidhjet politike por nuk e morën seriozisht

Spahiu: Durim Bami dëshmoi në 2016 per lidhjet politike por nuk e morën seriozisht