'S'jemi kombëtare shkel e shko', Mirlind Daku për flamujt provokues: I thashë arbitrit, jemi shtet i vogël

Sulmuesi Mirlind Daku foli pas humbjes 2-0 që Kombëtarja pësoi në Pragë kundër Çekisë. Ai u ndal te loja dhe te rritja e ekipit, ndërsa një koment kishte edhe për përdhosjen e simboleve kombëtare të shqiptarëve. "I thashë që janë flamuj provokues dhe m’u përgjigj se kishte komunikuar me zyrtarët e tjerë. Por jemi shtet i vogël, nuk kemi çfarë të bëjmë", tha Daku për këtë çështje.

"Humbja? Janë shumë të inatosur me ne, sepse vitin e kaluar nuk kanë arritur të na mposhtin. Për këtë arsye e dinim që na priste një terren i nxehtë. Ishin shumë të motivuar. Po të ishim më sy hapur do ta kalonim pa humbje këtë ndeshje. Po rritemi si skuadër. Nuk jemi një Kombëtare shkel e shko. Çdo Kombëtare na e ka frikën kur përballet me ne.

Unë këtu nuk luaj për statistika. Këtu luaj për Kombëtaren dhe për të arritur te triumfi. Për mua nuk ka rëndësi nëse shënoj apo jo. Dua vetëm të iki përpara. Dëshira ime është vetëm të fitoj. Për statistikë mendoj vetëm te ekipi.

LEXO EDHE:
Adriatik Dosti: Turp t’ju vijë!

Flamuri serb në hartën e Kosovës? E kam parë dhe kam komunikuar me gjyqtarin. Por nuk kam marrë asnjë lloj reagimi për këtë gjë. Në Shqipëri marrin gjithmonë masa dhe i heqin. Por këtu nuk ndodhi asgjë. E drejta ime ishte vetëm t’i tregoja gjyqtarit të takimit, sepse nuk mund të vrapoj te zyrtarët e tjerë. I thashë që janë flamuj provokues dhe m’u përgjigj se kishte komunikuar me zyrtarët e tjerë. Por jemi shtet i vogël, nuk kemi çfarë të bëjmë", tha Daku.

Lajmi kryesor:

Skandali/ Tifozët e Çekisë përdhosin simbolet e Shqipërisë, kore raciste dhe shpalosin flamurin serb! Reagon FSHF: Akte të turpshme! Do ankohemi në UEFA

S.DH/Shqiptarja.com

TAG:
• fshf
• Kombetarja shqiptare