Prage- Disa flamuj shqiptarë të kthyer përmbys janë shfaqur nga tifozët e Çekisë në ndeshjen në Pragë. Madje dy prej tyre janë mbuluar me “X”. Kjo nuk është e tëra. Pas portës është shfaqur edhe flamuri i Serbisë mbi hartën e Kosovës. Gjithashtu ka pasur dhe kore raciste
Në një reagim të saj Federata Shqiptare e Futbollit dënoi me forcë duke i quajtur aktet e turpshme, ato që ndodhën gjatë ndeshjes së mbrëmshme (11 tetor) kundër Çekisë.
Koret raciste dhe përdhosja e flamurit shqiptar janë të patolerueshme dhe nuk i takojnë fushës së futbollit. Ky akt i rëndë përbën një sulm të hapur ndaj vlerave të futbollit dhe respektit midis kombeve, thuhet në reagim.
Më tej Federata Shqiptare e Futbollit thotë se do të hartojë një note proteste në UEFA.
Federata Shqiptare e Futbollit dënon fuqimisht çdo formë të racizmit dhe fyerjes ndaj simboleve kombëtare dhe do të dërgojë një notë proteste në UEFA, duke kërkuar masa të menjëhershme disiplinore.
FSHF reagoi menjëherë që në pushimin e pjesës së parë duke u kërkuar organizatorëve marrjen e masave të menjëhershme ndaj këtyre akteve për të mos radikalizuar veprimet me ndërprerjen e lojës.
Futbolli është një lojë që bashkon dhe unifikon gjithë popujt duke promovuar barazinë dhe respektin për të gjithë, pavarësisht kombësisë apo përkatësisë etnike. Shqiptarët, si pjesë e familjes së madhe futbollistike, do të qëndrojnë gjithmonë në mbrojtje të këtyre vlerave dhe nuk do të tolerojnë asnjë formë racizmi apo urrejtjeje duke dënuar me forcë çdokënd që tenton të përdhosë bukurinë e këtij sporti'
Në reagimin e mbrëmshmë Kombëtarja ka komentuar dhe humbjen me Çekinë.
"Kombëtarja ka treguar gjithmonë forcë dhe guxim për të përballuar çdo vështirësi duke u ngritur pikërisht atëherë kur lind nevoja. Bashkë me tifozët do të lëmë pas këtë ndeshje dhe bëhemi gati për të shkuar në Gjeorgji për një rezultat pozitiv" thuhet në reagim.
Kombëtarja shqiptare e futbollit humbi 2-0 kundër Çekisë në "Epet Arena" të Pragës në ndeshjen e tretë të Grupit B1 në Ligën e Kombeve. Golat për çekët u shënuan nga Chory në minutat 3 dhe 63, ndërsa kuqezinjtë e Sylvinhos zhvilluan një ndeshje për t'u harruar.
Sulmuesi Mirlind Daku foli pas humbjes 2-0 që Kombëtarja pësoi në Pragë kundër Çekisë. Ai u ndal te loja dhe te rritja e ekipit, ndërsa një koment kishte edhe për përdhosjen e simboleve kombëtare të shqiptarëve. "I thashë që janë flamuj provokues dhe m’u përgjigj se kishte komunikuar me zyrtarët e tjerë. Por jemi shtet i vogël, nuk kemi çfarë të bëjmë", tha Daku për këtë çështje.
"Humbja? Janë shumë të inatosur me ne, sepse vitin e kaluar nuk kanë arritur të na mposhtin. Për këtë arsye e dinim që na priste një terren i nxehtë. Ishin shumë të motivuar. Po të ishim më sy hapur do ta kalonim pa humbje këtë ndeshje. Po rritemi si skuadër. Nuk jemi një Kombëtare shkel e shko. Çdo Kombëtare na e ka frikën kur përballet me ne.
Unë këtu nuk luaj për statistika. Këtu luaj për Kombëtaren dhe për të arritur te triumfi. Për mua nuk ka rëndësi nëse shënoj apo jo. Dua vetëm të iki përpara. Dëshira ime është vetëm të fitoj. Për statistikë mendoj vetëm te ekipi.
Flamuri serb në hartën e Kosovës? E kam parë dhe kam komunikuar me gjyqtarin. Por nuk kam marrë asnjë lloj reagimi për këtë gjë. Në Shqipëri marrin gjithmonë masa dhe i heqin. Por këtu nuk ndodhi asgjë. E drejta ime ishte vetëm t’i tregoja gjyqtarit të takimit, sepse nuk mund të vrapoj te zyrtarët e tjerë. I thashë që janë flamuj provokues dhe m’u përgjigj se kishte komunikuar me zyrtarët e tjerë. Por jemi shtet i vogël, nuk kemi çfarë të bëjmë", tha Daku.
Lajme të tjera
-
Precedentët/ Racizmi çek dhe përdhosja e simboleve kombëtare në Pragë, pse Armand Duka dhe FSHF nuk e tërhoqën ekipin?
12 Tetor, 10:19 -
Krisje në Kombëtare? Sylvinho tha se ishte i dëmtuar, Keidi Bare luan 60 minuta në fitoren e Zaragozës
12 Tetor, 10:02 -
VIDEO/ Përdhosja e simboleve kombëtare dhe territori i Kosovës nën flamurin serb, përleshje në Pragë mes tifozëve të Shqipërisë dhe Çekisë
12 Tetor, 08:12 -
Liga e Kombeve/ Kombëtarja 'nuk ndez', Çekia na mposht 2-0 në Pragë! Pritet autokritikë pas tri ditësh kundër Gjeorgjisë
11 Tetor, 22:39 -
U-19/ Shqipëria triumfon me 3 gola në miqësoren e parë ndaj Malit të Zi
11 Tetor, 16:36 -
Kupa e Shqipërisë/ Përcaktohen çiftet dhe kalendari i fazës së parë, në fushë edhe ekipe nga Superliga
10 Tetor, 14:31 -
Orges Shehi në Report Tv: Kombëtarja një realitet në futboll, organizimi i Euro 2027 me Serbinë na zhvillon! Kam oferta edhe nga Kosova
10 Tetor, 12:54 -
Brajan Gruda i ‘jep duart’ Shqipërisë: Zemra ime thotë që dua të luaj për Gjermaninë
10 Tetor, 11:26 -
Kategoria e Parë/ Përcaktohet kalendari i kampionatit nga java e 8-të deri në javën e 12-të
10 Tetor, 10:10 -
Liga e Kombeve/ Sylvinho ka në mendje dy skema, Kombëtarja lë sot Tiranën! Trajneri flet nga Praga
10 Tetor, 10:05 -
Liga e Kombeve/ Mario Mitaj 'sms' Sylvinhos: Luaj edhe në mesfushë, Benzema më priti mirë! Kumbulla: Jap garanci në mbrojtje, e vuajta dëmtimin
9 Tetor, 14:27 -
Ndryshojnë oraret e ndeshjeve, kalendari i Superligës ngjeshet në 23 ditë! Pesë javët e ardhshme
9 Tetor, 10:59
