Golin e parë kampionëve ua dhuroi Elbasani përmes një autogoli të Tocit në të 13’, ndërsa Martins e dyfishoi rezultatin në të 20’. 4 minuta më pas Elbasani ngushton shifrat me Gavën duke krijuar shpresa se do të ishte një sfidë e luftuar, por në pjesën e dytë Nimaga në të 67’ dhe Latifi në të 82’ plotësuan goleadën duke ruajtur të paprekur kryesimin.
Kukësi shpëton në sekondat e fundit të shtesës përballë Vllaznisë duke marrë një fitore shumë të vështirë. Heroi i takimit është edhe një herë tjetër sulmuesi kroat Pero Pejic, i cili shënoi "in extremis". Vllaznia rezistoi për shumë minuta, por Kukësi nuk u dorëzua deri në fund.
Kukësi konfirmohet si rivali më i fortë i Skënderbeut në luftën për titull, pasi ekipet e kryeqytetit kanë pësuar luhatje në fazën e tretë. Në ndeshjen tjetër në Durrës, doli fituese Teuta ndaj Flamurtarit që i shkaktoi një tjetër humbje. Golin e vetëm të takimit për ‘Djemtë e Detit’ e shënoi Nika me penallti duke qetësuar ekipin në renditje.
d.b/shqiptarja.com