POP 5

Lajmet më të lexuara të 5 minutave të fundit

Bota

'S'ka asnjë justifikim për bombardimet!' Macron i bën thirrje Izraelit të ndalojë vrasjen e grave dhe foshnjave të Gazës

Izraeli duhet të ndalojë vrasjen e foshnjave dhe grave në Gaza, ka thënë presidenti francez Emmanuel Macron për BBC. Ndërsa njohim të drejtën e Izraelit për të mbrojtur veten, ne i bëjmë thirrje të ndalojnë bombardim" në Gaza, tha ai. 

Izraeli duhet të ndalojë vrasjen e foshnjave dhe grave në Gaza, ka thënë presidenti francez Emmanuel Macron për BBC.

Në një intervistë ekskluzive në Pallatin Élysée, Macron tha se nuk ka "asnjë justifikim" për bombardimet, dhe se nga armëpushimi do të përfitonte Izraeli.

Ndërsa njohim të drejtën e Izraelit për të mbrojtur veten, "ne i bëjmë thirrje të ndalojnë bombardim" në Gaza, tha ai. Por ai gjithashtu theksoi se Franca "dënon qartë" veprimet "terroriste" të Hamasit.

Franca – si Izraeli, SHBA, Britania e Madhe dhe vende të tjera perëndimore – e konsiderojnë Hamasin një organizatë terroriste. Kur u pyet nëse donte që liderë të tjerë - përfshirë në SHBA dhe në Mbretërinë e Bashkuar - t'i bashkoheshin thirrjeve të tij për një armëpushim, ai u përgjigj: "Shpresoj se do ta bëjnë."

Izraeli thotë se sulmon objektiva ushtarakë në përputhje me ligjin ndërkombëtar dhe ndërmerr hapa për të reduktuar viktimat civile, si lëshimi i paralajmërimeve përpara sulmeve dhe thirrja e njerëzve që të evakuohen.

Duke folur një ditë pas një konference për ndihmë humanitare në Paris për luftën në Gaza, Macron tha se "përfundimi i qartë" i të gjitha qeverive dhe agjencive të pranishme në atë samit ishte "se nuk ka zgjidhje tjetër përveç se fillimisht një pause humanitare, duke shkuar në një armëpushim, i cili do të na lejojë të mbrojmë të gjithë civilët që nuk kanë asnjë lidhje me terroristët”.

"De fakto - sot, civilët bombardohen - de fakto. Këto foshnja, këto zonja, këta të moshuar janë bombarduar dhe vrarë. Pra, nuk ka asnjë arsye për këtë dhe nuk ka legjitimitet. Kështu që ne i bëjmë thirrje Izraelit të ndalojë."

Ai tha se nuk ishte roli i tij të gjykonte nëse ligji ndërkombëtar ishte shkelur.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Igor: 11/11/2023 08:04

    Me sa gjuhe flasin keta te perendimit boterisht flasin te ndalohet vrasja e femijve kuse nga ana tjeter e ndihmojne Izraelin me arme qe ta zhduki popullaten Palestineze te Gazes,pra per mua nuk jane asgje tjeter vetem ma te keq se Fashistet.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Opozita jugkoreane me mocion për shkarkimin e ushtruesit të detyrës së presidentit

Opozita jugkoreane me mocion për shkarkimin e ushtruesit të detyrës së presidentit

26 Dhjetor, 09:13