POP 5

Lajmet më të lexuara të 5 minutave të fundit

Sport

S'ka më drama për Holandën, Norvegjia 'kurban' për Botërorin! Turqia, Uellsi dhe Ukraina kalojnë në 'play-off'

Pas mungesës në Botërorin e Rusisë Holanda ka prerë biletën për të shkuar në Katar 2022 si e para e grupit duke mposhtur në ndeshjen e fundit 2-0 Norvegjinë. Në ‘play-off’ ka kaluar Turqia, por festë në fund ka patur edhe për Uellsin dhe Ukrainën.

Grupi G i kualifikueseve nuk ka prodhuar asnjë surprizë të minutave të fundit pasi Holanda është kualifikuar si e para duke prerë direkt një biletë për në Botërorin e Katarit. ‘Tulipanët’ që në Rusi 2018 nuk ia dolën të merrnin pjesë kanë mposhtur me rezultatin e pastër 2-0 Norvegjinë. Edhe nordikët gjithashtu kishin pretendime, pasi në rast fitoreje kundër Holandës mund të merrnin të paktën vendin e dytë, por golat e Berguëjin dhe Depay në minutat e fundit nderuan Holandën.

Ndërkohë në ‘play-off’ nga ky grup ka shkuar Turqia, që në ndeshjen e fundit ka bërë detyrën duke mposhtur me rezultatin 1-2 Malin e Zi. Në Podgoricë të parët kaluan në avantazh vendasit me Beqirajn, ndërsa Turqia përmbysi falë Akturkoglu dhe Kokcu. Pas 10 ndeshjesh në grup Turqia renditet e dytë me 21 pikë, 2 më pak se Holanda e vendit të parë.

Sakaq Franca edhe pse e kualifikuar ka bërë detyrën në D, duke fituar ndeshjen e fundit 0-2 kundër Finalndës. Në këtë transfertë zhbllokoi Benzema falë edhe një devijimi, ndërsa Mbappe vulosi shifrat. Si e dyta në këtë grup ka kaluar Ukraina që ka shkuar në ‘play-off’ si pasojë e fitores 0-2 në ndeshjen e fundit kundër Bosnje-Hercegovinës.

Në Grupin E Belgjika ka kaluar si e parë duke barazuar 1-1 në ndeshjen e fundit kundër Uellsit, ndërsa festë ka patur edhe për këta të fundit që u ka mjaftuar një pikë për të prerë biletën e ‘play-off’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12