POP 5

Lajmet më të lexuara të 5 minutave të fundit

Sport

S'ka qetësi për Barcelonën, 'ngec' kundër Alaves! Parma rikonfirmohet 'macja e zezë' e Interit (VIDEO-Golat)

Largimi i presidentit dhe problemet ekonomike në horizont po sjellin mungesën e rezultateve edhe në fushën e blertë për Barcelonës. Skuadra katalanase ka barazuar 1-1 këtë javë të La Liga-s me Aalaves, ndërsa Atlatico Madrid s’e ka diskutuar fitoren me Osasunan.

Jo vetëm në aspektin drejtues dhe atë ekonomik, por Barcelona nuk po gjen qetësi as në rezultatet që po prodhon fusha e blertë. Skuadra katalanase në javën e 6 të La Liga-s ka barazuar me vështirësi kundër Aalaves me rezultatin 1-1.

Vendasit realizuan të parët në minutën e 31 me Rioja, ndërsa për të ardhur te baraspesha u desh jo pak kohë. Barcelona barazoi me Griezmann në minutën e 63, por më herët vendasit kishin mbetur me një lojtar më pak. Me këtë rezultat, pas 6 javësh kampionat Barcelona ka grumbulluar vetëm 8 pikë.

Ndërkohë Atletico Madrid nuk ka gabuar në transfertën e Osasuna-s, duke fituar me rezultatin 1-3. Golat për ‘El Colchoneros’ u realizuan nga Joa Felix ‘dopietë’ dhe Torreira më pas.

Në Seria A Parma është rikonfirmuar si macja e zezë e Interit pasi për llogari të javës së 6 zikaltërit janë ndalur 2-2 në San Siro. Për më tepër ajo që shpëtoi nga humbja ishte Inter pasi në minutën e 62 Parma ishte në avatazh të dyfishtë falë ‘dopietës’ së Gervinho-s. Më pas golat për Inter-in u realizuan nga Brozovic dhe Perisic në kohën shtesë.

Në Premier League Liverpool ka marrë tre pikët me përmbysje kundër West Ham. The Reds ia dolën me rezultatin 2-1 falë golave të Salah me penallti dhe Diego Jota-s më pas. Më herët për miqtë kishte realizuar Fornals në minutën e 10. Kjo fitore i jep siguri Liverpool-it për të mbajtur të paktën edhe për një javë vendin e parë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)

Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)

23 Dhjetor, 15:34