POP 5

Lajmet më të lexuara të 5 minutave të fundit

Kronikë

Skandali/Bankers planifikon të
hapë 11 puse të rinj në Marinzë

Pavarësisht nga dëmi i shkaktuar në zonën e Marinzës dhe presioni i shtetit e opinionit publik për të ndërprerë aktivitetin deri në bonifikimin e pasojave, kompania Bankers Petroleum ka njoftuar se planifikon të shpojë 11 puse horizontalë gjatë tremujorit të dytë të vitit 2015  VIDEO
MARINZE - Pavarësisht nga dëmi i shkaktuar në zonën e Marinzës dhe presioni i shtetit e opinionit publik për të ndërprerë aktivitetin deri në bonifikimin e pasojave, kompania “Bankers Petroleum” nuk ka ndërmend ta pezullojë aktivitetin e saj. Në raportin e veprimtarisë gjatë tremujorit të parë të këtij viti, kompania njoftoi se planifikon të shpojë 11 puse horizontalë gjatë tremujorit të dytë të vitit 2015, nëntë puse horizontale në fushën e Patos-Marinzës, pikërisht aty, ku ndodhi edhe katastrofa mjedisore, një pus horizontal në Kuçovë dhe një pus horizontal për depozitimin e ujit. 

“Bankers do të vazhdojë të zgjerojë programin e injektimit të polimerit dhe ujit me konvertimin e katër puseve të planifikuara në tremujorin e dytë. Shumica e konvertimeve të 2015-ës janë planifikuar për gjysmën e dytë të vitit, pas instalimit të pajisjeve”,- thuhet në njoftimin e kompanisë koncesionare kanadeze.

AKBN
Raporti i Bankers për zgjerimin e aktivitetit vjen në një çast kur Agjencia Kombëtare e Burimeve Natyrore ka nisur një hetim të dytë ndaj aktivitetit të kompanisë, ndërkohë që ka vendosu pezullimin e çdo kërkimi në zonë për një periudhë së paku dy vjeçare. Në një dalje të djeshme para shtypit, kreu i AKBN, Dael Dervishi, tha se hetimi i dytë është nisur për shkak të shtimit të dyshimeve se kompania mund të ketë kryer të tjera abuzime në vitin 2012. Lidhur me shpërthimin e gazit ne Patos-Marinze, sipas kreut te AKBN ne këtë zone, nuk do te kryhen kërkime per te paktën nje periudhe 2-vjeçare, afat i konsideruar si i domosdoshëm për rehabilitimin e mjedisit.

Fitimet
Spias raportit të vetë kompanisë për rezultatet financiare gjatë tremujorit të parë 2015, të ardhurat ishin 72 milionë dollarë (39.66 USD/fuçi) kundrejt 109 milionë dollarë (57.29 USD/fuçi) në tremujorin e mëparshëm dhe 145 milionë dollarë (87.39 USD/fuçi) gjatëtremujorittëparë 2014. 

​Rënia e çmimit si pjesë e përqindjes ndaj Brent kundrejt tremujorit të parë 2014 është kryesisht si pasojë e shitjeve më të larta të naftës në tregun e brendshëm. Renta minerare paguar Qeverisë Shqiptare dhe institucioneve të varësisë gjatë tremujorit të parë 2015 ishte 10 milionë dollarë (14% e të ardhurave) kundrejt 16 milionë dollarë (15% e të ardhurave) gjatë tremujorit të kaluar dhe 22 milionë dollarë (15% e të ardhurave) gjatë tremujorit të parë 2014.

Të ardhurat e gjeneruara nga operacionet ishin 25 milionë dollarë gjatë tremujorit të parë 2015 kundrejt 23 milionë dollarë gjatë tremujorit të kaluar dhe 83 milionë dollarë gjatë tremujorit të parë 2014. “ Kompania vijon të mbajë një pozicion të fortë financiar me likuiditete prej 58 milionë dollarë dhe kapital aktiv prej 174 milionë dollarë” thekson kompania në raport.

Redaksia online
(f.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31