Skandali CEZ-DIA, Apeli lë në fuqi dënimin me 11 vite burg për Kastriot Ismailajn

Gjykata Apelit të Tiranës ka lënë në fuqi vendimin e dënimit të Kastriot Ismailaj me 11 vite burg, për skandalin CEZ-DIA. 

Avokati mbrojtës i Ismailajt ankimoi në Apel vendimin e shkallës së parë i marrë në tetor të vitit të kaluar. Ai u dënua për dy akuza, "mashtrim me pasoja të rënda" dhe "pastrim parash" në mbledhjen e borxheve të prapambetura të rrjetit të shpërndarjes CEZ. Ismailaj u akuzua nga Prokuroria se është paguar nga kompania CEZ, plot 6.5 mln dollarë, për një shërbim të cilin ajo nuk e ka kryer.

Sipas hetimeve, DIA s'ka kryer asnjë punë për mbledhjen e parave, por borxhet janë mbledhur nga vetë administrata e CEZ. Ndërsa nga ana tjetër, paratë e parashikuara në kontratë, i janë kaluar DIA-s nga kompania CEZ për një punë të pakryer. Provë kanë qenë komunikimet me email të Ismailajt me drejtorin e Haysek. Paratë e marra nga DIA te CEZ-i të cilat janë shpërndarë nëpër llogaritë e 15 kompanive të tjera.

Për çfarë akuzohet Kastriot Ismailaj?
Kastriot Ismailaj u arrestua në 12 maj të vitit 2015 nga Sektori i Pastrimit të Parave dhe ai i Krimit Ekonomik dhe Financiar ne Policinë e Shtetit për veprën e mashtrimit në shuma të mëdha dhe pastrimit të produkteve të veprës penale. Në 6 muaj, 9 kompani private përfituan nga CEZ-i 12 milionë USD nga kontratat për mbledhjen e borxheve të papaguara. Pjesën më të madhe të fondeve e ka marrë “Debt International Management”, me administrator Kastriot Ismailaj, 649 milionë lekë, ose gati 6.5 milionë dollarë.

Nga “Debt International Advisori” paratë kanë dalë nga Shqipëria duke hyrë në llogaritë e dhjetëra kompanive të tjera, që veprojnë në rreth 15 shtete. Sipas burimeve nga prokuroria, bëhet fjalë për shuma financiare që ka dyshime të forta se i përkasin njerëzve të politikës dhe personave VIP në Shqipëri, pasi kjo kompani fantazmë nuk ka kryer as vjeljen e borxheve të “CEZ Shpërndarje”, për të justifikuar transfertat, aq më tepër që shuma e transferta është shumë më e madhe se 5 milionë euro.

Kastriot Ismailaj, nën “maskën” e marrëveshjes me kompaninë çeke, “CEZ Shpërndarja”, për mbledhjen e borxheve ka kryer mbi 100 transaksione bankare, para këto që kanë qenë të personave të rrethit shoqëror të tij.

TAG:
• kastriot ismailaj
• cez-dia
• Dia

Sondazhi i ditës:

A po jep rezultate lufta e SPAK ndaj grupeve kriminale?

• Po

  74.1%

• Jo

  19%

• Nuk e di

  6.9%

Vota total: 3381

Votat totale janë unike

• Sondazhi i ditës:

  A po jep rezultate lufta e SPAK ndaj grupeve kriminale?

  Po Jo Nuk e di