Në mbledhjen e sotme të këshillit bashkiak është miratuar kthimi i klubit të futbollit “Skënderbeu”, nga shoqëri sportive, në shoqëri aksionere.
Njoftimin e ka bërë vetë klubi në faqen e tij në Facebook, ku thuhet se me votë unanime në Këshillin Bashkiak, Ardjan Takaj bëhet pronar i 75% të aksioneve të Skënderbeut, ndërsa Bashkia Korçë do të zotërojë vetëm 25% të tyre.
Më përpara klubi i Skënderbeut kishte statusin e Shoqërisë Sportive dhe Ardjan Takaj ishte thjesht administrator i tij, ndërsa nga dita e sotme është bërë ligjërisht pronar.
“Vendimi tregon besimin e ‘ambientit’ sportiv në Korçë për projektin afatgjatë të klubit dhe drejtuesve aktualë, me në krye z.Ardjan Takaj”, thuhet në njoftimin zyrtar.
Redaksia Online
Al.Ç/Shqiptarja.com