Skandali me falsifikimin e moshës, federata e futbollit në Afrikë përjashton 62 futbollistë

Federata e Futbollit të Kamerunit (FECAFOOT) ka pezulluar 62 lojtarë për falsifikim të identitetit dhe moshës në një skandal të paprecedentë në futbollin afrikan.

Një numër i madh lojtarësh në divizionin e parë të Kamerunit janë pezulluar për përdorimin e identiteteve të rreme dhe falsifikimin e moshës së tyre. Sanksioni do të thotë se ata nuk kanë të drejtë për play-off-et e MTN Elite One. Në total, 62 lojtarë janë shpallur të papërshtatshëm për play-off lokale nga Federata (FECAFOOT) për shkak të parregullsive që janë raportuar në të gjithë Afrikën prej vitesh.

Rasti më i dukshëm është ai i mesfushorit 17-vjeçar të Victoria United, Nathan Doualaa, i cili u thirr nga Rigobert Song për kombëtaren e 'Luanëve' duke falsifikuar moshën. Skuadra ka shtatë futbollistë profesionistë të përfshirë, megjithëse nuk është ai me më shumë lojtarë të përfshirë në skandalin e Kamerunit.

Young Sport of Limbé ka gjithsej 13 lojtarë të implikuar në falsifikimin e dokumenteve, një fakt fatkeq që do të hyjë në analet e futbollit botëror. Vetëm katër klube janë liruar nga akuzat dhe do të jenë në gjendje të përfundojnë sezonin me 100 përqind të skuadrave të tyre.

Ata janë Coton Sport i Garoua, Canon i Yaoundé, Stade Renard i Melong dhe Aigle Royal i Manoua. Në mes të kësaj situate delikate, Samuel Eto'o, kreu i futbollit të Kamerunit po hetohet nga Konfederata e Futbollit Afrikan për historinë e tij të gjerë të skandaleve, duke përfshirë trukime ndeshjesh, nxitje të dhunës, kërcënime fizike, abuzim me pushtetin dhe përhapjen e informacionit të rremë.

Në vitin 2022, ish-lojtari i Interit dhe Barcelonës u deklarua fajtor për mashtrim tatimor ndërsa luante për klubin katalanas dhe ra dakord për një dënim prej 22 muajsh burg që më pas u pezullua dhe një gjobë prej një milion e gjysmë dollarësh. Në vitin 2023 iu ofrua roli i ambasadorit të një kompanie bastesh, të cilin ai e pranoi pavarësisht se u ndalua nga FIFA.

Kjo çështje nuk është asgjë e re. Dihet se për shumë vite lojtarët afrikanë japin shpesh informacion të rremë, sepse në disa pjesë të kontinentit është shumë e vështirë të vërtetohet mosha reale e një personi, duke çuar në përdorimin e dokumenteve false.

Lista e lojtarëve të sanksionuar nga FECAFOOT:

-Young Sport Academy (13) : Arnaud Messanga Messanga, Fabrice Kamaka Fils Njiberu Durell, Kelvin Tah, Nchindo John Bosco; Chinazah, Cédric Wayi, Silus Mungala, Valentine Abeëeh, Mujimbu Ramadan, Ousman Kengne, Amidu Mohamed dhe Robert Koneyi. 

-Victoria United (7) : Nathan Douala, Nji Richmond, Ndanga André, Martin Menoua, Kylan Tchunte, Ikoi Sergeo dhe Germain Fina.

-Si Fortuna (7): Marc Essono, Pascal Ze Ze, Jean Daniel Enama, Yves Mbappe, Junior Njoh, Patrick Russel Mbarga dhe Mbao Hedah.

-Ums de Loum (5)  Bertin Nguemaleu, Joseph Cousin Ndongo, Camille Noah, Ryan Pharell Kouam dhe Etienne Julien Andjama.

-Colombe du Sud (5)  Franklin Kamleu, Junior Evouna, Alex Jakai, Rodrigue Mvondo dhe Maxëell Cho.

-Gazelle Fa (4) : Yoan Alphonse II Efala, Ibrahim Zakari, Philippe Qmataba dhe Mohammadou Wale.

-Dynamo Douala (4)  Jordy Youmba, Evrard Pangip, Alain Zidane Bikoe dhe Prosper Nlend Ntep.

-Union de Douala (3)  Noël Austin Ajoh, Yves Enzo Borgne dhe Sokmak Keller.

-Fovu de Baham (3)  Paulin Banda, Junior Bandji dhe Cyrille Ngando.

-Apejes (2) : Zacharie Arthur dhe Tcholefack Igor.

-Pëd Bamenda (2) : Nundi Fonda Christian and Mfor Divine.

-Bamboutos Mbouda (2) : Bekono Mengwa dhe Lend Horty.

-Astres Douala (2) : Lyonga Jonas Ekoi dhe Rodrigue Jowl Kamga.

-Avion du Nkam (2)  Yohan Nolan Malone dhe Rodrigue Manga Ottou.

-Fauve Azur (2)  : Marc Bertin Atangana Amougou dhe Abdoul L'almani.

S.DH/Shqiptarja.com

TAG:
• afrike
• kamerun
• FIFA