Federata Shqiptare e Futbollit ka bërë një tjetër reagim në lidhje me skandalin e llogarive bankare ku pretendon se në asnjë moment nuk i ka kaluar paratë për klubin e Tiranës në llogari të dyshimta. Sipas FSHF ky është një problem mes ish dhe drejtuesve të klubit të Tiranës ku e përfshirë është edhe përmbarimi. Institucioni i futbollit shqiptar pretendon se më shumë se 1 mln euro janë kaluar në llogarinë zyrtare të klubit të Tiranës, por ish-presidenti i ndjerë Metush Seferi, që ka fituar një gjyq me klubin e Tiranës, nuk i merr dot paratë për shkak se bardheblutë e kanë pezulluar me një tjetër vendim gjykate.
Ndër të tjera FSHF thotë se nuk është në kolaps financiar dhe se rrogat e punonjësve janë dhënë në kohë. Në gjithë këtë reagim ajo që bën përshtypje është fakti se përse FSHF ka hapur një proces gjyqsor me përmbarimin kur nuk është e përfshirë?
“Federata Shqiptare e Futbollit e ndjen dhe e ka për detyrë të informojë komunitetin e futbollit, anëtarët e saj por edhe të gjithë opinion publik për atë që gjatë këtyre ditëve është trajtuar si skandal apo kolaps financiar i FSHF-së, me llogari të bllokuara, me rroga që nuk arrihen të jepen në kohë apo deri edhe në veprimtari anti-ligjore nëpërmjet transaksioneve në llogari të dyshimta.
Të gjitha pretendimet e ngritura prej dy ditësh nga media dhe “opinionistë” lidhen me një detyrim që klubi Tirana ka ndaj ish-sponsorit të saj në vitet ‘90, të ndjerit Metush Seferi. Familja Seferi ka fituar gjyqin me klubin e Tiranës dhe për këtë detyrim, dhe me të drejtë, ka angazhuar një zyrë përmbarimore për vjeljen e detyrimit.
Zyra përmbarimore kërkon ta realizojë vjeljen e këtij detyrimi përmes bllokimit të të ardhurave që klubi Tirana siguron nëpërmjet pjesëmarrjes në kampionatin shqiptar dhe në kupat e Europës. Përballë kësaj situate, klubi Tirana, e ka pezulluar ekzekutimin e këtij vendimi me një tjetër vendim gjykate. Pra, bëhet fjalë për një konflikt mes klubit Tirana dhe ish-Presidentit, Metush Seferi. Në asnjë moment nuk ka pasur apo nuk ka një bllokim të fondeve apo të llogarive të Federatës Shqiptare të Futbollit nga të ardhurat që vijnë nga UEFA për pjesëmarrjen e klubeve shqiptare në kompeticionet europiane. Mediat e interesuara dhe “opinionistët” e përfshirë në këtë çështje, sipas Ligjit për Informim Publik, mund t’i drejtohen Union Bank për të marrë informacionin e saktë në lidhje me këtë pretendim.
Në lidhje me akuzën e rëndë të bërë se paratë që klubi Tirana ka siguruar nga pjesëmarrja në Kupat e Europës një sezon më parë janë kaluar nëpër llogari të ndryshme nga llogaria e klubit, duhet të bëjmë përsëri me dije se të gjitha të ardhurat e UEFA-s kanë kaluar në llogaritë e klubit të Tiranës dhe nëse përmbaruesi nuk i ka marrë dot nga bankat, ky është problem mes përmbaruesit dhe bankës dhe jo Federatës Shqiptare të Futbollit që ka për detyrë që paratë e anëtarëve të saj t’i transferojë në llogaritë e tyre. Dhe vlen për t’u theksuar se i gjithë ky proces ekzekutimi është i jashtëligjshëm pasi po përpiqet të ekzekutohet një vendim për një shoqëri që tashmë ka mbetur pa administrator dhe në kundërshtim me ligjin po vazhdon të ekzekutohet.
Pretendimi i tretë i ngritur këto ditë nga media se Federata Shqiptare e Futbollit është në kolaps financiar, duke hasur vështirësi në pagimin e punonjësve, është një e pavërtetë e madhe. FSHF jo vetëm që nuk gjëndet në një situatë kolapsi financiar, por po vazhdon të kryejë aktivitetin e saj rregullisht dhe është duke kryer investime të rëndësishme në infrastrukturë. Stadiumi i Kukësit, kompleksi stërvitor “Skënder Halili”, kompleksi stërvitor i klubit Teuta, stadiumi “Niko Dovana”, rinovimi i fushës së stadiumit “Reshit Rusi”, stadiumi i qytetit të Bulqizës, investimi në stadiumin Egnatia, kompleksin Partizani, stadiumin “Tofik Jashari” që janë në proces tregojnë se gjëndja financiare e FSHF është e qëndrueshme dhe e shëndoshë falë menaxhimit shumë të mirë që bëhet nga administrata e Federatës Shqiptare të Futbollit.
Ky është detyrimi ynë për ju të dashur anëtare të familjes së futbollit dhe për ju të nderuar tifozë e dashamirës futbolli.
Ndërsa çakejtë e qentë që lehin për të realizuar objektivat e veta nuk meritojnë as vëmendje e as përgjigjen tonë,"-thuhet në reagimin e FSHF-së.
Lajme të tjera
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
GJKKO e liroi nga 'arresti shtëpiak', Berisha kthehet në PD pas 331 ditësh, sulmon Ramën: Je puçist! Krijo qeveri teknike ose mosbindja civile është gati
27 Nëntor, 13:39 -
Skënder Minxhozi: SKAPI u bë SPAK!
27 Nëntor, 11:35
-
Namir Lapardhaja: Flojera Davidhi – gjyqtare e ‘fjalës së lirë’ apo ‘e kapur nga Edi Rama’?
27 Nëntor, 11:22
-
Afera 'Partizani'/ GJKKO i heq 'arrestin shtëpiak' Sali Berishës pas 331 ditësh! SPAK: E apelojmë! Avokati: S'ka rrezik për prishje provash! Kryetari i PD-se: U kry kjo punë! Falenderon gjykatësen
27 Nëntor, 10:12
-
Dyrnjaja për Report TV: Njerëzit afër Berishës dhe djalit të tij marrin leje për kulla, sapo kanë marrë dhe një tjetër në Tiranë! Ai është komod në opozitë
26 Nëntor, 15:20 -
Gjykata Kushtetuese shqyrton më 27 dhjetor 'arrestin e shtëpisë' të Berishës, thërret dhe Kuvendin e SPAK në seancë
26 Nëntor, 14:26 -
Korrigjimi i një vendimi, derbi Tirana - Partizani luhet me tifozë! Agjenda e javës së 15-të në Superligë
26 Nëntor, 11:07 -
Apeli zbut vendimin për Tiranën, pezullon më shumë se gjysmën e dënimit! Derbi kundër Partizanit me tifozë
25 Nëntor, 16:37 -
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
Legjionarët/ Bitri dhe Shpendi gjejnë golat, Gripshi fiton Kupën! Myrto Uzuni një gol larg historisë, Manaj rikthehet në fushë
24 Nëntor, 21:56
