Shkodra ka qenë kryeqendra e aksionit opozitar ditëve të fundit. Pak ditë më parë iu vu flaka një shkolle e cila shërbente si KZAZ nga punonjës të bashkisë, militantë të PD-së me në krye Bardh Spahinë, që u la në arrest shtëpie pas arrestimit. Gjithashtu, vetë kryebashkiakja Voltana Ademi organizoi një protestë ku pati përplasje të qytetarëve me policinë, me qëllim pengimin e takimit elektoral të kryeministrit Edi Rama. Por sikur kjo të mos mjaftonte, Bashkia e Shkodrës ka përdorur teatrin e Migjenit, për të bërë anti-fushatë.
Teksa nga njëra anë protestojnë kundër përdorimit të ambienteve shtetërore për zgjedhjet, janë ata vetë që përdorin një godinë me vlerë shumë madhe kulturore, për antifushatë. Në hyrje të teatrit është vendosur në banderolë ku shkruhet 'Në Shkodër të gjithë bashkë, stop krimit', ndërsa shoqërohet me foton e personazheve që kanë dalë në përgjime e gazetës gjermane 'Bild'. Në teatrin 'Migjeni' janë përcaktuar katër qendra votimi në datë 30 Qershor, të cilat do të jenë të mbyllura nga bashkia, ndërsa nga nesër deri në 2 korrik do të ketë protesta dhe tubime.
Kryeministri Edi Rama ka reaguar pas ngjarje kësaj përmes një postimi në rrjetet sociale duke ironizuar kryetaren e bashkisë së Shkodrës, Voltana Ademi. "O moj Shkodër mori Shkodër, kuj ja paske pasë kyt farë borxhit, sa me e mbajtë tash katër vjet Molotanën mbi kry" shkruan ai. Ndërkohë që nuk kanë munguar reagimet edhe nga artistët. Bruno Shllaku e cilëson si epidemi atë që po ndodh, ndërsa shprehet se përdhunimi që i është bërë nga autoritetet lokale teatrit 'Migjeni' do të marrë fund në 1 korrik me largimin e Voltana Ademit.
"Këto lloj fletë rrufesh që flasin në emër të gjithë qytetit, nuk e di ku është gjithë bashka?! Pas kishave dhe xhamive është teatri 'Migjeni' në qarkun tonë, edhe më takon mua të protestoj fuqishëm bashkë me këtë rini, që teatri të mos keqpërdorohet dhe përdhunohet kështu. Mjaft! Ka vite që përdhunohet prej njerëzve të paaftë, aksidentalë dhe drejtoresha e teatrit, që më vjen turp të them drejtoreshë.
Është turp i madh. Kjo nuk duhet të ndodhë, kanë shtëpia, bahçe dhe prona boll, ti varin atje në gozhdë dhe të kënaqen. Kjo është fjala ime që kam katër vite që flas për teatrin 'Migjeni'. Ja se ku e cuan teatrin dhe kjo epidemi po merr fund. Në datën 1 korrik këto njerëz janë të gjithë të zbythur dhe do të kenë turp që të trokasin edhe me biletë për të hyrë në këtë tempull të shenjtë" tha artisti i mirënjohur Bruno Shllaku.
Edhe këngëtari i njohur shkodran Frederik Ndoci, ka ironizuar ata që thonë se do të bojkotojnë votimet, nismë kjo e nxitur dhe përkrahur nga opozita që nuk merr pjesë në zgjedhje. “Shumica që shkruejn nuk marr pjesë në votime, s’kan votu edhe kur asht dasht'. Bojkoti i zgjedhjeve është më i rëndë se shit-blerja e votës. Me votu asht e vetmja rruge qe plotson kerkesat tueja si idealist, shitblerja e votes zvoglon ty si person, mosmarrja pjes ose abstenimi asht ma keq se me e shitble voten. Nji her në dy vjet i takon. Korrupsioni zgjedhor ka me ken ma i vogel” tha ai.
Komente
Lajme të tjera
-
'Masakra e Shkodrës me 4 të vrarë, pranga personit që vodhi 'Range Rover-in' e autorëve! Arrestimi u mbajt i fshehtë disa ditë, por s'pranoi të bashkëpunonte
26 Nëntor, 10:07
-
Aksident në aksin 'Shkodër-Koplik' mëngjesin e sotëm, automjeti përplasi për vdekje 80-vjeçarin
26 Nëntor, 08:15 -
Shoqatat e ish-të Përndjekurve takim në Shkodër: 'Të nisin kërkimet për të zhdukurit e Komunizmit!' Imzot Massafra: Shteti të përshpejtojë procesin
25 Nëntor, 14:31
-
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28
Bravo Frederic, I madh je sic ke zerin ashtu edhe zemren edhe mendjen. Jam krenare per ty.
PërgjigjuBruno Shllaku nje servil i Rames, nje palaco cirku. Nje zheleman, pseudo arstist. Sa kohe qe e shoqja drejtonte radio shkodren, shkaterroi automjetin e institucionit tu u sjell me kry punet e familjes.
Përgjigju