“Topin e kam unë, penalltinë e gjuaj vetë”, është një batutë e famshme filmi, që përshtatet në sport. Por, duket se skandali në futbollin shqiptar ka arritur në nivele tepër shqetësuese. Presidenti i FSHF-së, Armand Duka, prej shumë vitesh po e përdor Federatën dhe evenimentet e saj si pronë private.
Rasti më i fundit, është abuzimi me fondet dhe projektet e UEFA-s. Në projektin “Grassroots”, për të cilin UEFA paguan më shumë se 100,000 euro në vit, Armand Duka ka reaklamuar bizneset e tij private.
Duket e pabesueshme që ka arritur deri në këtë nivel abuzimi, por është e vërtetë. Pikërisht në rrethimet e fushave të improvizuara, ku luajnë disa fëmijë të pafajshëm, janë vendosur reklama të bizneseve janë të vetë Armand Dukës.
![](https://shqiptarja.com/template/img/NO_ALFA_Kuadrate shqiptarja.png)
Duhet theksuar, se këto projekte janë të financuara nga UEFA dhe nuk ka sponsorizime zyrtare, që të përdoret imazhi i pafajshëm i këtyre fëmijëve. Gjithsesi, kjo nuk e ka penguar Armand Dukën që të reklamojë bizneset e tij, duke e trajtuar Federatën Shqiptare të Futbollit dhe fondet që dërgon UEFA, si një pronë private.
Në reklamat e vendosura bien në sy firmat “Go Tech”, “Ama Caffe” dhe “Divella”, të cilat janë në pronësi të kreut të FSHF-së. Që të treja, të vendosura në evenimentin “Grassroots” të UEFA-s. Dokumentet më poshtë provojnë edhe pronësinë e kreut të FSHF-së mbi këto kompani, që u reklamuan në një eveniment të financuar nga UEFA dhe të organizuar nga institucioni që ai drejton.
Nga ekstraktet e QKR konfirmohet se Armand Duka është 50% aksioner në kompaninë “Eco Market”, e cila është distributor zyrtar i “Divella” dhe “Ama Caffe”. Dy firma të reklamuara në aktivitetin e organizuar nga FSHF dhe i financuar nga UEFA.
Nga ekstraktet e QKR konfirmohet se Armand Duka është 40% aksioner në kompaninë “Go Tech”. Firmë e reklamuar në aktivitetin e organizuar nga FSHF dhe i financuar nga UEFA. ECO Market, distributor ekskluziv i “Divlla” dhe “Ama Caffe” Armand Duka, aksioner me 50% në kompaninë ECO Market “Ama Caffe” e reklamuar në evenimentin e organizuar nga FSHF me paratë e UEFA-s “Divella” e reklamuar në evenimentin e organizuar nga FSHF me paratë e UEFA-s Armand Duka aksioner me 40% në kompaninë “GO Tech” “GoTech” e reklamuar në evenimentin e organizuar nga FSHF me paratë e UEFA-s.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)