/ATSH-AFP/ - Fabrikuesi i automjeteve të vlerësuara "Audi" njoftoi sot se 2,1 milionë automjete të kësaj kompanie ishin të pajisura me programe të trukuara për të ndryshuar rezultatet e testeve kundër ndotjes të vendosura nga kompania mëmë, "Volkswagen".
"Vetëm në Gjermani, 577 mijë automjete janë të përfshira në mënyrë të drejtpërdrejtë nga një procedurë mashtrimi që prek 13 mijë automjete në Shtetet e Bashkuara të Amerikës", deklaroi një zëdhënës i "Audi"-t.
Kompania "Volkswagen" javën e kaluar u trondit nga skandali ku pranoi se ka pajisur rreth 11 milionë automjete të disa prej firmave të saj në botë për të ndryshuar rezultatin e kontrolleve kundër ndotjes.