Komisioni i Pavarur i Kualifikimit zhvilloi këtë të enjte seancën dëgjimore ndaj prokurorit të Tiranës, Shpëtim Kurti.
Nga vlerësimi i hetimeve të kryera ,sipas KPK-së, Instituti i Lartë i Deklarimit dhe Kontrollit të Pasurive ka konstatuar se prokurori i Tiranës dhe njëkohësisht kandidatati për Këshillin e lartë të Prokurorisë Shpëtim Kurti ka bërë deklarim të rremë të pasurisë në pasqyrën e formularit të vetëdeklarimit, duke e fshehur pasurinë e tij.
Trupa e KPK-së, në seancën dëgjimorë të zhvilluar gjatë ditës së sotme përbëhej nga tre pjesëtarët Lulzim Hamitaj, Brunilda Bekteshi dhe Roland Ilia. Komisioni i Pavarur i Kualifikimit bën të ditur se fillimisht prokurori Shpëtim Kurti është hetuar mbi kriterin e pasurisë, nga raporti i kontrollit për të cilin rezulton se ka bërë deklarim të pasaktë.
Sipas raportit të formuluar nga KPK-së, në pasurinë e tij rezulton që Kurti të ketë nën zotërim një apartament banimi 83 metra katrorë në rrugën Sulejman Pasha, që e ka blerë për 1.5 milionë lekë në vitin 2002 dhe ia ka shitur më pas të vëllait në 2011.
Gjithashtu, sipas hetimit ai ka në pronësi një apartament banimi 43 metra katrorë tek fusha Aviacionit, apartament me sipërfaqe 60 metra kator në plazhin e Durrësit, truall 146 metra katorë dhe ndërtesë në rrugën R. Shijaku në Tiranë blerë në 2012 për 5.5 milionë lekë. Tokë are 3650 metra katrorë dhe shtëpi 160 metra katror në Has të Kuksit dhe automjet i blerë në vitin 2003.
Ndëkohë në vlerësimin e bërë bëhet e ditur se apartamenti i rrugës Sulejman Pasha rezulton në mospërputhje me çmimin e blerë në vitin 2002. Ky apartament është deklaruar i blerë për 2 milionë lekë por në kontratën e shit-blerjes rezulton 1.5 milionë lekë. Nga raporti i vlerësimit të ILDKPKI-së, subjekti ka bërë deklarim të saktë të shpenzimeve. Ndërkaq, DSIK ka konstatuar se subjekti, ska përshtatshmeri për të vazhduar detyren.
Ndërkohë më herët, ka patur një denoncim ku thuhet se kunati i subjektit eshte i dënuar në Greqi me 20 vite burg per trafikim te lendeve narkotike. Komisioni i Pavarur i Kualifikimit konstaton nga hetimi, se kunati i subjektit është arrestuar për trafikim të lëndëve narkotike në vitin 2016. ONM ka marrë informacion nga autoritetet greke.
Prokurori s’ka deklaruar kontaktet e papërshtatshme në formularin e dekriminalizimit edhe pse ka patur kontakt me një shtetas me precedent penal me inicialet H.M. Në lidhje me këtë person prokurori Shpëtim Kurti ishte deklaruar se me personin në fjalë janë nga i njëjti fshat dhe i vetmi kontakt që kishte pasur me të ishte që ishin shkëmbyer një herë në një lokal dhe vetëm kaq.
Më datë 4 korrik të vitit 2018 u rihap hetimi i vlerësimit mbi tri shtyllat e vlerësimit të pasurisë, detyrës dhe figurës.Shpëtim Kurti, ka nisur detyrën e prokurorit në vitin 1997.Shpëtim Shkurti ka qenë zv/prokuroror nga viti 2002 deri ne 2007.
Vendimi për prokurorin e Tiranës, Shpëtim Kurti pritet të jepet më datë 23 nëntor.
Lajme të tjera
-
KPA largon përfundimisht nga Drejtësia prokuroren e Shkodrës! Edlira Cufit iu gjet lidhja me të dënuarin për prostitucion, i mbylli dosjen
17 Dhjetor, 10:31 -
Mbyllet mandati i KPK-së, ambasada e SHBA-së: Llogaridhënia do të vazhdojë falë punës së shqiptarëve të guximshëm si ju
16 Dhjetor, 18:59 -
Reforma në drejtësi, VanHorn: Shumë e refuzuan, SPAK po godet bosët e krimit dhe të korruptuarit! Dumani: Pandëshkueshmëria po tronditet
16 Dhjetor, 15:40 -
Nga 1 Janari 2025 Altin Dumani merr edhe kompetencat e Komisionerit Publik, qeveria i kalon SPAK-ut edhe zyrat
15 Dhjetor, 20:15 -
U largua gjatë Vettingut, KPA i jep të drejtë shkallës së parë dhe rrëzon Komisionerin Publik për ish-inspektoren e KLD: Sofia Zhilla ishte dorëhequr! (VENDIMI)
12 Dhjetor, 16:37 -
Largohet nga vetingu gjyqtarja e Gjykatës së Gjirokastrës Mirela Iliopullo! E konfirmon dhe KPA
6 Dhjetor, 15:12 -
Vrau në Ndroq Alfred Dedjan/ Gjykatësja e 'Gërdecit' liroi Julian Gjoshin në 2021! Iu gjet pistoleta në makinë, tha se do e dorëzonte në komisariat! Raport mjekësor se vuante nga zemra
4 Dhjetor, 11:47 -
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
SKEDA/ Operacioni i SPAK, kush është Taulant Tafa, gjyqtarit që iu kontrollua banesa! Dy vite më parë i uli dënimin Arben Grorit
25 Nëntor, 14:08 -
Vettingu/ Mbyllet rivlerësimi në KPK, në ‘filtër’ 805 magjistratët! Vetëm 373 u konfirmuan të ndershëm, qytetarët ndihmuan drejtësinë me rreth 6700 denoncime (SHIFRAT)
22 Nëntor, 12:05
-
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51
