POP 5

Lajmet më të lexuara të 5 minutave të fundit

Opinion

Skënder Minxhozi: Një votë anti-amerikane në 'Bar Amerika'

Berisha luan me simbolikat, e ka bërë gjithmonë. Në fillimet e Foltores mori pranë vetes një emigrante nga SHBA për të dhënë idenë se një pjesë e amerikanëve e duan akoma. Më pas shfaqeshin nëpër takime individë me fjalime të shkruara, që përbetoheshin se kishin marrë rrugën nga matanë Atlantikut, vetëm për të qenë aty me të. Më tej akoma filluan Foltoret virtuale me shqiptarët që jetojnë në SHBA.

Skënder Minxhozi: Një votë anti-amerikane në 'Bar Amerika'

Berisha luan me simbolikat, e ka bërë gjithmonë. Në fillimet e Foltores mori pranë vetes një emigrante nga SHBA për të dhënë idenë se një pjesë e amerikanëve e duan akoma. Më pas shfaqeshin nëpër takime individë me fjalime të shkruara, që përbetoheshin se kishin marrë rrugën nga matanë Atlantikut, vetëm për të qenë aty me të. Më tej akoma filluan Foltoret virtuale me shqiptarët që jetojnë në SHBA. Kurse sot, Doktori ka zgjedhur të votojë për shkarkimin e Lulzim Bashës nga një lokal privat që mban emrin Bar Amerika dhe ndodhet mur në mur me selinë e ambasadës amerikane.

Kjo lojë simbolesh e metaforash në distancë mori pak orë më parë një përgjigje të thatë dhe skualifikuese nga pala akuzuese, domethënë nga amerikanët. Një tabelë shifrash e publikuar nga ambasada SHBA tregonte nga mbi 200 persona të shpallur ‘non grata’ nga administratat amerikane ndër vite, asnjë prej tyre nuk ka përfituar anulimin e ndëshkimit, e aq më pak ndjesën nga shteti amerikan.

Për këtë arsye konkrete, pa përfshirë të tjera motive dytësore, Sali Berisha troket sot në derë të mbyllur, teksa shkon të votojë privatisht me përkrahësit e tij, në klubet rrotull ambasadës amerikane. Ngjarjet e kësaj dite mund të marrin drejtime nga më të pamenduarat, por qysh në mëngjesin e të shtunës është e qartë, ende pa u hapur sipari i Kuvendit të Bashës dhe pa dalë rezultati i referendumit të Berishës, se motivi kryesor i kësaj zallamahie, skedimi amerikan për ish-kryeministrin, do të mbetet gjithsesi në fuqi.

Nga ana tjetër, loja e gjykatave që sapo është hapur mes tij dhe Bashës për statutin e partisë, është një tjetër korsi që mund ta bëjë të pavlefshëm referendumin e sotëm për të shkarkuar Bashën. Çdo vendim skualifikues i gjykatës për ndryshimet statutore të kongresit të para një jave në stadiumin Arena Kombëtare, do ta ekspozonte përfundimisht nismën populiste dhe antiamerikane të Berishës, si një tentativë për krijimin e një strukture paralele brenda opozitës. Që më shumë sesa kokën e Lulzim Bashës, kërkon të heqë qafe hallin personal të Doktorit me Uashingtonin.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet

Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet

28 Nëntor, 22:25