POP 5

Lajmet më të lexuara të 5 minutave të fundit

Sport

Skënderbeut i bëhet ves barazimi, Gvozdenovic: Ndaj Elbasanit s’kishte rëndësi rezultati! Dede: Presim ende përformcime

Trajneri i Skënderbeut Gvozdenovic nuk shqetësohet nga fakti që skuadra e tij nuk ka fituar asnjë ndeshje miqësore, pasi ai thotë se ka marrë përgjigjjet e duhura në prag të sezonit. Ndërkohë te Elbasani janë të kënaqur me fazën përgatitore, por presin të përforcohen ende në merkato.

Skënderbeu nuk i ndahet barazimeve në fazën përgatitore. Sëfundmi korçarët kanë barazuar 2-2 kundër Elbasanit, në atë që ishte sfida e katërt në kuadër të përgatitjeve për Superligën.

“S’është problem rezultati me thënë të drejtën. Jemi në fazë përgatitore dhe do ti provojmë të gjitha që të jemi gati për kampionatin. Kemi provuar një skemë të re me 3-5-2. Ishim shumë mirë dhe kam mbetur shumë i kënaqur,”-u shpreh Ivan Gvozdenovic, trajner i Skënderbeut.

Në javën e parë të sezonit të ri të Superligës që nis me 19 gusht, Skënderbeu do të përballet me Egnatian në Rrogozhinë.

“Gjithë kampionati është i fortë. Nuk ka këtu java e parë apo java e fundit. Kemi 36 ndeshje dhe ne na duhet të jemi gati që të luftojmë çdo javë,”-tha Ivan Gvozdenovic, trajner i Skënderbeut.

Ndërkohë te Elbasani ishin të kënaqur pas barazimit me Skënderbeun, ndërsa presin që deri në nisjen e Kategorisë së Parë të bëjnë të tjera përforcime në merkato.

“Pretendojmë të përforcohemi deri në momentin e fundit, por edhe me këtë skuadër që kemi jam shumë i kënaqur. Jam krenar dhe i lumtur për punën që bëjnë çdo ditë në stërvitje. Gjithashtu për impenjimin dhe motivimin që kanë brenda vetes,”-deklaroi Nevil Dede, trajner i Elbasanit.

Sezoni i ri i Kategorisë së Parë ku merr pjesë Elbasani do të nisë me 2 shtator dhe luhet mes 12 ekipeve në 3 faza. Në total janë 33 javë gjithsej.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34