POP 5

Lajmet më të lexuara të 5 minutave të fundit

Sport

'Skuqet' derbi, por Tirana dhe Vllaznia bëjnë 'paqe' në fundvit! Laçi hakmerret ndaj Partizanit, Mazrekaj 'dopietë'

Derbi i Shqipërisë Tirana-Vllaznia është mbyllur në barazim 1-1 edhe pse bardheblutë kaluan të parët në avantazh.

Supersfida e javës së 13 të Superligës, ose ndryshe derbi i Shqipërisë mes Tiranës dhe Vllaznisë është mbyllur në barazim 1-1. Në Selman Stërmasi kampionët në fuqi shënuan të parët me Ernest Muçin, duke krijuar përshtypjen se do të hakmerreshin për atë humbje në fazën e parë. Gjithsesi në pjesën e dytë Torrasa la ekipin me 10 lojtarë, ndërsa shkodranët gjetën barazimin me Ymerin.

Ndërkohë Laçi është hakmarrë për humbjen e fazës së parë duke mposhtur 3-2 Partizanin, që humbet mundësinë për t’u afruar me Vllazninë kryesuese. Për t’u veçuar në këtë takim ishte ‘dopieta’ e Mentor Mazrekajt, një ish i Partizanit që dëmtoi jo pak të kuqtë. Sakaq Apolonia ka marrë një fitore të vyer 2-1 kundër Kastriotit, ndërsa edhe Skënderbeu ka mposhtur 4-3 Bylisin. Këto ishin ndeshjet e fundit për këtë vit, ndërsa Superliga do të kthehet në aksion me 9 janar.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Guardiola kërkon Donnarumman te Manchester City

Guardiola kërkon Donnarumman te Manchester City

22 Korrik, 20:08