POP 5

Lajmet më të lexuara të 5 minutave të fundit

Politikë

‘Skuqu kur i përmend emrin’, Manja replika me Gjekmarkaj: O profesor ke At shpirtëror, Zef Pllumin apo Sali Komunistin

Ministri i Drejtësisë Ulsi Manja përmes një postimi në rrjetet sociale ka replikuar me drejtuesin e qarkut politik të PD-së në Lezhë Agron Gjekmarkaj. Ministri i drejtësisë shprehet gjithashtu se At Gjergj Fishta dhe At Zef Pllumi nuk duhet të përdoren për politikë.

‘Skuqu kur i përmend emrin’, Manja replika me Gjekmarkaj: O profesor ke At shpirtëror, Zef Pllumin apo Sali Komunistin

Ulsi Manja dhe Agron Gjekmarkaj

Ministri i Drejtësisë Ulsi Manja përmes një postimi në rrjetet sociale ka replikuar me drejtuesin e qarkut politik të PD-së në Lezhë Agron Gjekmarkaj.

Manja shkruan se Gjekmarkaj duhet të bëj vetë politikë dhe jo sipas kryedemokratit Sali Berisha.

Ministri i drejtësisë shprehet gjithashtu se At Gjergj Fishta dhe At Zef Pllumi nuk duhet të përdoren për politikë.

“Më thanë që më paske kthyer përgjigje, o profesor!

E si paske thënë sonte aty te salla e vogël në Lezhë, nga ku prezantove dy miqtë e tu, që po të digjet zemra t'i shohësh në parlament, o profesor? Që ke At shpirtëror At Zef Pllumin? Dhe që duhet të skuqemi kur ja zëmë emrin me gojë Fishtës?! Që e duam Fishtën patronazhist?! Eh, mor profesor, kanë filluar të të përzihen mendimet keq, kanë filluar të të bëhen kaçurrel. Që At Gjergj Fishta dhe At Zef Pllumi janë ashta e kombit, do ta thotë historia jetë e mot, sa të ekzistojë kombi shqiptar; dhe që dikush duhet të skuqet pse i përdor këto dy fibra kombëtare se ja do puna për fushatë, këtu ke të drejtë, o profesor Agroni! Këtu ke plotësisht të drejtë!

Unë të thashë që bëj politikë me mendjen e profesorit dhe jo të doktorit tënd plak, se me mend e tij vetëm “dokrra hinit” nxjerr prej goje. Por po shoh që janë duke të bërë lëmsh mendimet, e të tjera“dokrra hinit” do t’u thuash lezhjanëve. Por ndaje mendjen, profesor: ke At shpirtëror, At Gjergj Fishtën dhe At Zef Pllumin, apo At Sali Komunistin? Mos u përgjigj vërtik, bluaje pak kandarin, kthema përgjigjen me mendjen e profesorit, se me një valle tropoje ja fute Gjinit dhe e nxore në listë të hapur – aty po u tregove profesor!”, shkroi Manja në Facebook.

Një ditë më parë drejtuesi i qarkut politik të Partisë Demokratike, gjatë një takimi në Lezhë u shpreh se partia e Manjës, hoqi eshtrat nga varri të At Zef Pllumit dhe e shpalli armik. Ai shtoi se socialistët duhet të skuqen kur përmendin emrin e At Zef Pllumit dhe duan të bëjnë At Gjergj Fishtën patronazhist.

“Dy fjalë Ulsiut për Fishtë se më ka cituar!

Po të isha përfaqësues i asaj partie do skuqesha ta permendja Fishtën e madh! Unë jam rritur me librat e tij, lexuar e rilexuar, për shije njerzore e profesionale! Ati im shpirtëror At Zef Pllumi, nxënësi i tij i zgjedhur, më ka bindur që ai ishte Patrioti më i madh i ketij Kombi. Partia e Ulsiut i hoqi eshtrat nga varri dhe ja gjuajti në lumë, i ndaloi veprën, e shpalli armik! Duhet pak skuqje e turp për t’ja zënë emrin me gojë! E duan Fishtën patronazhist! Nuk e bëjnë dot. Nga atje i përqesh se as të “Gomari i Babatasit” nuk u gjen vend!”, shkroi Gjekmarkaj.

 

Xh.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Tarifat doganore/ Britania e Madhe synon të arrijë marrëveshje me Trump! Vijnë reagimet e para nga BE

Tarifat doganore/ Britania e Madhe synon të arrijë marrëveshje me Trump! Vijnë reagimet e para nga BE

3 Prill, 00:09